Azərbaycanın ən ucqar və dilbər guşələrindən çəkilmiş payız mənzərələrinə Sputnik Azərbaycan-ın fotolentində baxa bilərsiz.

Baxmayaraq ki, hələ havalar nisbətən isti keçir, amma qışın yaxınlaşdığı hiss olunur. Ağaclar limon sarısı, alov qırmızısı və qızılı mis rənglərinə boyanıb. Belə bir vaxtda meşədə gəzmək, təbiətin rənglərindən həzz almaq, yeri örtmüş xəzəlləri tapdamaq insana xüsusi zövq verir.

Son.az xəbər verir ki, Sputnik Azərbaycanın müxbiri məhz bu gözəlliyi görmək, hiss etmək üçün Göygöl milli parkına gedib və bu zaman özü ilə fotoaparat götürməyi unutmayıb. Göygöl Milli Parkını Azərbaycanın ən gözəl guşələrindən biri adlandırmaq olar. Çünki burada suyu mavi və zümrüdüyə çalan olduqca gözəl göl var. Onun ətrafını isə subalp meşələr, Kəpəzin zirvələri ilə əhatələnmiş gözəl dağ görüntüləri həlqə kimi sarıb. Şübhəsiz, insan bu ideal yerdə payız mövsümünün bütün cazibəsini, gözəlliyini və əzəmətini hiss edir.

(adsgarden = window.adsgarden || []).push({});