Son.az Trend-ə istinadən xəbər verir ki, təşəbbüs "PACT Act" qanunu adlanır. Bu qısaltma "Protect Against Conflict by Turkey Act"dan ("Türkiyə tərəfdən münaqişəyə qarşı müdafiə") irəli gəlir.

Bu qanun ABŞ prezidenti Donald Trampı Suriyadakı hərbi əməliyyatda iştirak edənlərə, həmçinin milli müdafiə naziri Hulusi Akara qarşı məhdudiyyətlər tətbiq etməyə məcbur edir. Bundan əlavə, sənəddə deyilir ki, Vaşinqton administrasiyası CAATSA qanununa əsasən ("Amerikanın əleyhdarlarına qarşı sanksiyalarla mübarizə haqqında") Ankaranın S-400 alması ilə əlaqədar məhdudiyyətlərin tətbiq edilməsi tələb olunur. Qanun layihəsinin müəllifi palatanın Xarici İşlər Komitəsinin sədri Eliot Engeldir.