Prezident İlham Əliyev: Mənim göstərişimlə ölkəmizdə 30-dan çox xalça fabriki tikilməlidir


Digərləri 28 Okt 2019 22:26:00 58 0

Prezident İlham Əliyev: Mənim göstərişimlə ölkəmizdə 30-dan çox xalça fabriki tikilməlidir

Mənim göstərişimlə ölkəmizdə 30-dan çox xalça fabriki tikilməlidir

Bakı. Mənim göstərişimlə ölkəmizdə 30-dan çox xalça fabriki tikilməlidir. Bunu Azərbaycan Prezidenti İlham Əliyev “Azərxalça” Açıq Səhmdar Cəmiyyətinin Qəbələ filialının açılışı mərasimində kollektiv ilə görüşü zamanı deyib. Dovlət başçısı bildirib: "Mən sizi ürəkdən salamlayıram. Sizi yeni xalça fabrikinin açılışı münasibətilə ürəkdən təbrik edirəm. Bu gözəl müəssisədə indi 50-dən çox iş yeri yaradılıb. Gələcəkdə iş yerlərinin sayı daha da çox olacaq. Əsas məsələ ondadır ki, burada qadınlar üçün iş yerləri yaradılır. Yəni, qadınları işlə təmin etmək üçün xüsusi tədbirlər görülür ki, Azərbaycanda iş yerləri daha da sürətlə açılsın, daha geniş əhalini əhatə etsin. Burada iş şəraiti də, əməkhaqqı da yaxşıdır. Azərbaycanda xalçaçılıq sənətinin bundan sonra da yaşadılması üçün biz çox böyük işlər görürük. Bu məqsədlə “Azərxalça” müəssisəsi yaradılıbdır və mənim göstərişimlə ölkəmizdə 30-dan çox xalça fabriki tikilməlidir. Onlardan 10-u istifadəyə verilib, o cümlədən biri Qəbələ şəhərində. Növbəti illərdə isə 20-dən çox fabrik fəaliyyətə başlayacaq. Bu fabriklərdə minlərlə yeni iş yeri yaradılacaq. Xalçaçılıq sənəti bizim milli sənətimizdir, bizim qədim sənətimizdir. Azərbaycan xalçaları dünyanın ən aparıcı muzeylərində nümayiş etdirilir. Xalça bizim məişətimizin ayrılmaz hissəsidir və Azərbaycan xalçaları öz keyfiyyəti ilə seçilir. Biz elə etməliyik ki, bu sənət daim yaşasın. Buna nail olmaq üçün, əlbəttə ki, belə fabriklərin yaradılması çox böyük əhəmiyyət kəsb edir. Əminəm ki, gənc nəsil bu gözəl sənətə gələcək və bizim peşəkar mütəxəssislərimiz öz təcrübələrini bölüşərək bunu gənc nəslə də ötürəcəklər. Beləliklə, xalça sənəti yaşayacaq, necə ki, əsrlərboyu yaşayıb. Eyni zamanda, xalça ixracyönümlü məhsuldur. Bu xalçalar xaricə satılmaqla ölkəmizə valyuta gələcək. Biz indi Sumqayıt şəhərində böyük əyirici-boyaq müəssisəsini yaradırıq. Ölkə üzrə yun tədarük mərkəzləri yaradılır. Bizim öz boyalarımız, öz iplərimiz olacaq və idxaldan asılılıq aradan qaldırılacaq. Ona görə “Azərxalça”nın yaradılması, görün, nə qədər böyük, gözəl hadisələrə təkan verdi. Həm iş yerləri yaradılır, biz sənətimizi yaşadırıq, gənc nəsli yetişdiririk, həm də bölgələrdə yunçuluqla bağlı aparılan tədbirlər öz səmərəsini verir və nəticədə Azərbaycan daha da güclənir, ölkəmizin uğurlu inkişafı təmin edilir. Qəbələ rayonuna çox böyük diqqət göstərilir. Son illər ərzində burada bir çox önəmli müəssisələrin, obyektlərin açılışı olub. Təsadüfi deyil ki, mən son 16 il ərzində Qəbələyə 13 dəfə səfər etmişəm, şəhərin, rayonun inkişafı ilə bağlı göstərişlər verilib və gözəl açılışlarda iştirak etmişəm. Qəbələ Azərbaycanın Bakıdan sonra ikinci turizm məskənidir. Turizmin inkişafı sürətlə davam edir, 9 otel, 9 istirahət mərkəzi yaradılıb. Bir neçə il bundan əvvəl mənim təşəbbüsümlə Qəbələdə beynəlxalq aeroport tikilib. Baxmayaraq ki, sovet vaxtında Qəbələdə aeroport yox idi, indi beynəlxalq uçuşlar təşkil edilir. İcra başçısı mənə məlumat verdi ki, bu il təkcə otellərdə 150 min qonaq istirahət edib. Fərdi evlərdə də bəlkə o qədər qonaq istirahət edib. Bu, vətəndaşlara da böyük maddi dəstəkdir. İmkanı olan vətəndaşlar öz evlərinin bir hissəsini kirayəyə verirlər, pul qazanırlar. Kəndlilər də öz məhsullarını satırlar. Ona görə turizmin inkişafı əhalinin çox böyük bir hissəsini əhatə edir. Əlbəttə, Qəbələdə sosial infrastruktur da icra edilir. O cümlədən biz bu gün içməli su-kanalizasiya layihəsini icra etdik. Bundan sonra Qəbələ ən yüksək standartlara cavab verən içməli su ilə təmin ediləcəkdir. Şəhər sakinləri bundan faydalanır. “ASAN xidmət” mərkəzi yaradılmışdır ki, bu da vətəndaşlara çox böyük rahatlıq verir. Heydər Əliyev adına böyük Konqres Mərkəzi yaradılıb və orada beynəlxalq tədbirlər, musiqi festivalları keçirilir. Yəni, Qəbələdə hərtərəfli inkişaf təmin edilir, iş yerləri, yeni müəssisələr, konserv zavodu, iki böyük heyvandarlıq müəssisəsi, bu gün tanış olduğum, Azərbaycanın tələbatının böyük hissəsini öz üzərinə götürən gülyetişdirmə mərkəzi və bu xalça müəssisəsi. Ona görə Qəbələnin timsalında biz ölkəmizin uğurlu inkişafını görürük. Şəhər də gündən-günə gözəlləşir, abadlaşır. Həm tarixi abidələr qorunur, həm yeni obyektlər göz oxşayır. Belə də olmalıdır. Çünki Qəbələ dünyanın ən qədim yaşayış yerlərindən biridir. Qəbələ qədim Qafqaz Albaniyası dövlətinin paytaxtı olmuşdur. Bu şəhərin çox böyük tarixi var. Biz indi Qəbələnin tarixi simasını saxlamaqla şəhərə, rayona yeni nəfəs veririk. Yeni inkişaf konsepsiyası icra edilir. Hər dəfə Qəbələdə olanda mən gördüyüm bu inkişafı qiymətləndirirəm və buna sevinirəm. Sizə gələcəkdə yeni uğurlar arzulayıram. Arzu edirəm ki, bu müəssisədə yaxşı işləyəsiniz, həm ailə büdcənizə töhfə verəsiniz və həm də burada gözəl sənətimizi yaşadasınız". Trend-in ən mühüm və maraqlı xəbərlərini "Telegram"da izləyin
Nazirlər Kabinetinə YENİ TƏYİNAT like
  • 28 Okt 22:20  
Digərləri Nazirlər Kabinetinə YENİ TƏYİNAT

Nazirlər Kabineti Aparatının Humanitar və sosial məsələlər şöbəsinə

arrow Ətraflı
Qarında şişlik yumurtalıq xərçənginə səbəb ola bilər  DİQQƏT! like
  • 28 Okt 22:15  
Digərləri Qarında şişlik yumurtalıq xərçənginə səbəb ola bilər DİQQƏT!

Yumurtalıq xərçənginin simptomları adətən gec aşkarlandığı üçün m

arrow Ətraflı
Xırdalanda köşkdən oğurluq edən şəxs saxlanılıb like
  • 28 Okt 22:10  
Kriminal Xırdalanda köşkdən oğurluq edən şəxs saxlanılıb

Xırdalanda köşkdən oğurluq edən şəxs saxlanılıb.

arrow Ətraflı
Azərbaycanda qızıl və gümüş yenidən bahalaşıb like
  • 28 Okt 22:07  
Digərləri Azərbaycanda qızıl və gümüş yenidən bahalaşıb

Azərbaycanda qızıl və gümüş bahalaşıb

arrow Ətraflı
ABŞ elan etdi: İrana yeni sanksiyalar tətbiq edilir like
  • 28 Okt 21:59  
Dünya ABŞ elan etdi: İrana yeni sanksiyalar tətbiq edilir

ABŞ İrana qarşı sanksiyaları genişləndirəcək.

arrow Ətraflı
Azərbaycanda 144 nəfər dəm qazından zəhərlənib like
  • 28 Okt 21:54  
Digərləri Azərbaycanda 144 nəfər dəm qazından zəhərlənib

Azərbaycanda yanvar-oktyabr (oktyabrın 25-dək) ayları ərzində 144 nəfər

arrow Ətraflı
Yol qaydalarını pozan sürücü saxlanıldı  Maşından oğurluq inəklər çıxdı like
  • 28 Okt 21:50  
Kriminal Yol qaydalarını pozan sürücü saxlanıldı Maşından oğurluq inəklər çıxdı

Oktyabrın 27-də saat 7 radələrində Yevlax-Ağdam yolunun 17-ci km-də Kəlb

arrow Ətraflı
Azərbaycanda 144 nəfər dəm qazından zəhərlənib (ÖZƏL) like
  • 28 Okt 21:45  
Digərləri Azərbaycanda 144 nəfər dəm qazından zəhərlənib (ÖZƏL)

Azərbaycanda yanvar-oktyabr (oktyabrın 25-dək) ayları ərzində 144 nəfər

arrow Ətraflı
“WhatsApp”dan istifadəçilərini sevindirəcək like
  • 28 Okt 21:40  
Digərləri “WhatsApp”dan istifadəçilərini sevindirəcək

Azərbaycanda ən çox istifadə edilən şəbəkələrdən olan "WhatsApp&

arrow Ətraflı
3 yaşlı qızının paltarına görə tənqid edildi like
  • 28 Okt 21:35  
Digərləri 3 yaşlı qızının paltarına görə tənqid edildi

Dünyanın ən gənc milyarderi ünvanına sahib olan Kayli Cenner davranışlar

arrow Ətraflı
15 güllə yarası aldı  Özü xəstəxanaya gəldi like
  • 28 Okt 21:30  
Dünya 15 güllə yarası aldı Özü xəstəxanaya gəldi

ABŞ-ın Filadelfiya şəhərində atışma zamanı 15 güllə yarası alan şə

arrow Ətraflı
Mərkəzi Bank depozit hərracının nəticələrini açıqlayıb like
  • 28 Okt 21:25  
Digərləri Mərkəzi Bank depozit hərracının nəticələrini açıqlayıb

Bu gün Mərkəzi Bank tərəfindən vəsaitlərin cəlb edilməsi üzrə keçir

arrow Ətraflı
Yol qaydalarını pozan sürücü saxlanıldı - Maşından oğurluq inəklər çıxdı like
  • 28 Okt 21:24  
Digərləri Yol qaydalarını pozan sürücü saxlanıldı - Maşından oğurluq inəklər çıxdı

Sürücü özünü şübhəli apardığından nəqliyyat vasitəsindəki 2 baş

arrow Ətraflı