“Neymar göründüyü qədər güclü deyil"


İdman 28 Okt 2019 17:50:00 391 0

“Neymar göründüyü qədər güclü deyil"

Braziliyanın Sao Paulo klubunun müdafiəçisi Dani Alveş PSG-nin hücumçusu Neymarla bağlı açıqlama verib.

Goal.az xarici mətbuata istinadən xəbər verir ki, Paris klubunun keçmiş braziliyalı müdafiəçisi, Neymarın layiq olduğu dəyəri görmədiyini bildirib:

“Neymar göründüyü qədər güclü deyil. O, uşaq kimidir və müdafiəsizdir. Edilən haqsızlıqlar ona çox zərər verdi. Neymar artıq haqqında deyilən yalanlar qarşısında səssiz qalmamalıdır. O, PSG-nin ən vacib futbolçularından biri və dünyanın ən yaxşılarındandır, amma layiq olduğu dəyəri görmür. İnsanlar onun dəyərini anlamalı və ona hörmət etməyi öyrənməlidirlər”.

Dani Alveş və Neymar 2017-2019-cu illərdə PSG-nin heyətində birgə çıxış ediblər.