Manchester United Premyer Liqanın tarixinə düşdü
İdman 28 Okt 2019 15:37:00 404 0
İngiltərə Premyer Liqasının 10-cu turunda Norwich üzərində qələbə (3:1) Manchester United üçün əlamətdar olub.
Goal.az xəbər verir ki, “qırmızı şeytanlar” sözügedən qarşılaşmada Premyer Liqada bir ilkə imza atıblar.
Oyunda hesabı açan Skott Maktomineyin vurduğu qol Manchester United üçün Premyer Liqa tarixində 2000-ci olub. "Mankunyanlar" Premyer Liqada 2000 qol sayına çatan ilk komanda olub.
Qeyd edək ki, Manchester United-in Premyer Liqa tarixində ilk qolunu Mark Hyuz, 500-cünü Endi Koul, 1000-cini Kriştiano Ronaldo, 1500-cünü isə Dmitar Berbatov vurmuşdu.
Mənbə: goal.az