"Özünü radikal müxalifət adlandıranlar keçirdikləri icazəsiz mitinqlə Azərbaycanın beynəlxalq aləmdə olan nüfuzuna kölgə salmaq məqsədi güdür".

Son.az unikal.org-a istinadən bildirir ki, bu sözləri Azərbaycan Güləş Federasiyasının (AGF) vitse-prezidenti Firdovsi Umudov bəyan edib. AGF rəsmisi hesab edib ki, Milli Şuranın Azərbaycan Xalq Cəbhəsi Partiyası ilə birgə oktyabrın 19-da Bakının mərkəzində keçirdiyi icazəsiz aksiya Azərbaycan cəmiyyətində və eləcə də idman camiəsində birmənalı qarşılanmayıb və pisləyib: 

"Müasir Azərbaycan gəncliyi öz gələcəyini Azərbaycanın lideri, cənab Prezident İlham Əliyevin rəhbərliyi altında görür. Azərbaycanda bütün sahələrdə inkişaf, islahatlar göz önündədir. Məhz bu islahatların nəticəsidir ki, Azərbaycan gəncliyinin səsi dünyanın hər ölkəsindən gəlir. Bu gün ölkə başçısı İlham Əliyevin dəstəyi nəticəsində yüzlərlə idmançımız dünyanın hər bir yerində  qazandıqları möhtəşəm uğurlarla üç rəngli Azərbaycan bayrağını layiqincə göylərə qaldırıblar və bu müsbət göstəricilər bu gün də davam edir. Hesab edirəm ki, Ali Baş Komandan İlham Əliyevin rəhbərliyi altında gələcəkdə də bu uğurlara imza atılacaq". 

F.Umudov icazəsiz aksiyada iştirak edənlərin bəzilərinin Qarabağı qaytarın! Şuarlarını səsləndirməsinə də toxunub: 

"Bu gün Azərbaycanın 20 faiz torpağı mənfur düşmənin tapdağı altındadır.  Özünü  bu Vətənin övladı sayan hər bir Azərbaycanlı torpaqlarımızın işğaldan azad olunmasını istəyir. Bunun ən çox arzusunda İlham Əliyevdir. Ölkə başçısı ermənilərin qardaş saydığı Rusiyada etdiyi tarixi çıxışla bunu bir daha təsdiqlədi. 

"Valday" Beynəlxalq Diskussiya Klubunun oktyabrın 3-də Rusiyanın Soçi şəhərində keçirilmiş XVI illik iclasının plenar sessiyasında Azərbaycan Respublikasının Prezidenti cənab İlham Əliyev çıxış edərək Ermənistan baş nazirinin "Qarabağ Ermənistanındır və nöqtə" bəyanatının yalan olduğunu vurğulayıb, "Qarabağ tarixi, əzəli Azərbaycan torpağıdır. Beləliklə, Qarabağ Azərbaycandır və nida işarəsi" demişdir. Eləcə də Prezident İlham Əliyevin oktyabrın 11-də Türkmənistanın paytaxtı Aşqabadda MDB Dövlət Başçıları Şurasının iclasında dedikləri Ermənistanı və Baş naziri Nikol Paşinyanı növbəti dəfə  məğlub vəziyyətə saldı. Bəli, hər bir Azərbaycan vətəndaşı o tarixi günü Ali Baş Komandanın bir əmri ilə gözləməli və səbr etməlidir".

Xarici qonararlar hesabına özlərinə Milli Şura yaradan radikal müxalifətçilər keçirdikləri icazəsiz aksiyaya sosial durumu zəif olan insanları da qatmaq istədilər: