“İnnovasiya ekosisteminə siyasi baxış” mövzusunda dəyirmi masa keçirilib (FOTO)


Digərləri 22 Okt 2019 18:15:00 308 0

“İnnovasiya ekosisteminə siyasi baxış” mövzusunda dəyirmi masa keçirilib (FOTO)

“İnnovasiya həftəsi” çərçivəsində “İnnovasiya ekosisteminə siyasi baxış” mövzusunda dəyirmi masa keçirilib.

Bakı. Bu gün ADA Universitetində “InnoWeek – İnnovasiya həftəsi” çərçivəsində Nəqliyyat, Rabitə və Yüksək Texnologiyalar Nazirliyi, Birləşmiş Millətlər Təşkilatının Avropa İqtisadi Komissiyası (UNECE) və BMT-nin İnkişaf Proqramının təşkilatçılığı ilə “İnnovasiya ekosisteminə siyasi baxış” mövzusunda dəyirmi masa təşkil olunub. Nəqliyyat, Rabitə və Yüksək Texnologiyalar Nazirliyindən Trend-ə verilən məlumata görə, tədbirdə innovasiya ekosistemi iştirakçıları - hökumət və qeyri-hökumət qurumları, inkubasiya-akselerasiya mərkəzləri və digər əlaqədar təşkilatların rəhbər və nümayəndələri iştirak ediblər. Dəyirmi masa ətrafında görüşdə UNECE “Subregional İnnovasiya Siyasəti” layihəsi ilə əlaqədar Azərbaycanda əldə edilmiş nəticələr təqdim edilərək müzakirə olunub. UNECE “Subregional İnnovasiya Siyasəti” layihəsinin məqsədi Şərqi Avropa və Qafqaz regionu üzrə innovasiya siyasətini, innovativ proseslərinin həcmini və keyfiyyətini qiymətləndirməkdən ibarətdir.