Goal.az xəbər verir ki, fransalı mütəxəssis “Marca”ya açıqlamasında Madrid klubunda həmişəlik qalmaq istədiyini və bu cür şayiələrə fikir vermədəyini deyib:

“Əvvəl nə olub, olub. Futbol əldə etdiyin hərşeyi unudur. Ancaq həyat da belədir. Biz Real-la nə əldə etmişiksə, keçmişdə qalıb. İnsanların nə danışdığını müzakirə etmək istəmirəm. Bu, məni narahat etmir. Mən öz komandamın oyunlarına diqqət etməliyəm. Real-da həmişəlik qalmaq istəyirəm. Mənim Real-dakı gələcəyim haqqında isə qoy, başqaları düşünsün”.

Qeyd edək ki, İspaniya mətbuatı Real-ın Çempionlar Liqasında uğurlu çıxış etməyəcəyi təqdirdə Zidanın istefaya göndəriləcəyini yazıb. Hətta bəzi nəşrlər bu gün Galatasaray-la keçirilən səfər matçında məğlubiyyətdən sonra Zidanın istefasının reallaşacağını yazıb.