Nazarov Erzgebirge klubu ilə yeni müqavilə imzaladı
İdman 11 Okt 2019 14:56:00 344 0
Almaniyanın Erzgebirge klubu Azərbaycan millisinin futbolçusu Dmitri Nazarovla müqavilənin müddətini uzadıb.
Goal.az klubun rəsmi saytına istinadən xəbər verir ki, 29 yaşlı yarımmüdafiəçi ilə yeni sözləşmə 2023-cü ilin iyuluna kimi nəzərdə tutulub. Klub həmçinin yarımmüdafiəçi Klemens Fandriçlə də müqaviləni eyni müddətə yeniləyib.
Qeyd edək ki, Nazarov 2016-cı ilin yayından Erzgebirge-də çıxış edir. O, komandanın heyətində 97 oyun keçirib və 20 qol vurub. Nazarov cəzalı olduğu üçün Bəhreyn və Macarıstan kollektivləri ilə oyunları üçün Azərbaycan millisinə çağırılmayıb.
Mənbə: goal.az