Son.az Trend-ə istinadən bildirir ki, ölən nümayişçilər və təhlükəsizlik işçiləri üçün matəm cümə axşamından şənbə gününə qədər davam edəcək. Nümayişçilərlə təhlükəsizlik rəsmiləri arasında şiddətli qarşıdurmaların müşayiət olunduğu etiraz aksiyalarına oktyabrın biri Bağdadda başlayıb və təkcə paytaxtı deyil eləcədə ölkənin cənubundakı bir neçə əyaləti - Nəcəf, Maysan, Zi-Kar, Babil, Vasit və Kadiziyanı da əhatə edib.

Qeyd edək ki, nümayişçilər hökumətin istefasını, habelə yaşayış şəraitinin yaxşılaşdırılmasını, səhiyyə, təhsil və əmək bazarındakı problemlərin həllini və korrupsiyaya qarşı mübarizəni tələb edirlər.

Hazırda Səhiyyə Nazirliyinin məlumatına görə, nümayişçilər və polis də daxil olmaqla 165 nəfər ölüb, altı mindən çox insan yaralanıb.