Son.az oxu.az-a istinadən xəbər verir ki, V.Balasanyan bildirib ki, Paşinyanı hakimiyyətə Qərbdəki "məşhur mərkəzlər" gətirib.

"Və onlar da Paşinyanı idarə edirlər və nə etməli olduğu barədə göstərişlər verirlər", - deyə V.Balasanyan qeyd edib

Balasanyan 2016-cı ildə Yerevanda post-patrul polisi alayının binasının "Sasna Tsrer" terrorçuları tərəfindən ələ keçirilməsini xatırladıb. Onun sözlərinə görə, Paşinyan binanın ələ keçirilməsindən sonra başlayan etirazları idarə etməyə cəhd göstərib.

O, Paşinyanın bu yaxınlarda "Sasna Tsrer" partiyasının liderləri Qaregin Çuqaszyanla və Jirayr Səfilyanla Baş nazirin iqamətgahında görüşdüyünü bildirib. Söyləyib ki, bu görüş başqa cür düşünənlərə qarşı təzyiq cəhdidir.

"Nikol Paşinyan hamını, o cümlədən, məni qorxutmağa çalışır.  O, özünün döyüşkən qanadının olduğunu mesaj verir. Demək istəyir ki, bir barmağının işarəsi ilə bizimlə fiziki haqq-hesab çəkərlər", - deyə V.Balasanyan əlavə edib.