Bakı. Fərqli, qürurlu, xarakterli, xüsusi və olduğu hər yerdə sevilməyi bacaran avtomobil. Tam yeni dizayn, tam yeni texnologiyalar və tam yeni ruhu ilə qarşınızda - Tam Yeni Sonata! Çağdaş dünyada avtomobil artıq sadəcə nəqliyyat vasitəsi deyil. Biz artıq onlara etibar etməyi öyrənmişik. Onlar o qədər təkmilləşiblər ki, bizə bir çox anlarda yardımçı olur, hətta düzgün yol belə göstərə bilirlər. Onlar bizim ehtiyaclarımızı hiss edir və ən lazımi anda müdaxilə edə bilirlər. Beləliklə, həyatımızın mühüm bir parçasına çevrilir və bizim sevgimizi qazanırlar. Bəs onlar necə, bizi sevirlərmi? Əlbəttə avotomobillər canlı deyillər. Onların hissləri yoxdur. Onlar sevə bilməzlər. Amma Tam Yeni Sonata fərqlidir. O, canlıdır. Onun ruhu var. O, insanı sevir. O, insana qibtə edir. Çünki insan ən ali və ən mükəmməl varlıqdır. O, insana xidmət etmək üçün yaradıldığını bilir və işini sevərək görür. Cənubi Koreya istehsalçısı əfsanəvi və ən sevilən sedan modellərindən biri olan Sonatanı bu dəfə fərqli yaratdı. Ən son texnologiyalar, yeniliklər, sürücü və sərnişinlərin rahatlığı və təhlükəsizliyi üçün baş sındıran dahi mühəndislər, Sonatanın hər bir detalında xüsusilik və keyfiyyət ünsürlərini birləşdirməyi bacarıblar.