Qusarda baş verən dörd cinayətin üstü açıldı
Kriminal 07 Okt 2019 19:49:00 330 0
Qusar rayonunda baş verən bir neçə oğurluq cinayətin üstü açılıb.
Daxili İşlər Nazirliyindən Son.az-a verilən məlumata görə, Qusar rayon polis şöbəsi əməkdaşlarının keçirdikləri əməliyyat-axtarış tədbirləri nəticəsində cari ilin avqust-sentyabr ayları ərzində rayon ərazisində 4 evdən ümumi dəyəri 25.000 manata yaxın olan qızıl-zinət əşyaları oğurlamaqda şübhəli bilinən rayon sakini, əvvəllər məhkum olunmuş Şahin Efəndiyev saxlanılıb.
O, törətdiyi cinayət əməllərini etiraf edib.
Mənzillərdən oğurladığı qızıl-zinət əşyalarını Bakı şəhərində və Quba rayonu ərazisində dəyərindən ucuz qiymətə satan Ş.Efəndiyev əldə etdiyi pulları xərclədiyini bildirib.
Faktlarla bağlı cinayət işi başlanılıb.
Mənbə: milli.az