Bakı. Ceyhun Ələkbərov - Bu gün Bakıda əsən güclü külək fəsadsız ötüşməyib. Trend-in məlumatına görə, Səbail rayonu Nizami küçəsində külək irigövdəli ağacın aşmasına səbəb olub. Aşan ağac yol kənarında park edilmiş avtomobillərə ziyan vurub. Bakı Şəhər İcra Hakimiyyəti Yaşıllaşdırma Təsərrüfatı Birliyinin Bitkilərin mühafizəsi şöbəsinin rəisi Orxan Məmmədov Trend-ə bildirib ki, qurum əməkdaşları artıq həmin əraziyə səfərbər olunub.