Bakı. Türkiyədəki ABŞ səfirinin müavini diplomatik nümayəndəliyin "Twitter"dəki hərəkətləri ilə əlaqədar Xarici İşlər Nazirliyinə çağırılıb. Trend-in məlumatına görə, ona səfirliyin sosial şəbəkələrdə dünənki mesajı ilə bağlı izahat verməsi təklif olunub. Bildirilir ki, oktyabrın 5-də ABŞ-ın Ankaradakı səfirliyi Türk Milli Hərəkat Partiyasının lideri Dövlət Baxçelinin istefasına çağıran tvitini bəyənib.