Bağdad vilayətinin qubernatoru istefa verib
Dünya 06 Okt 2019 19:39:00 232 0
İraqın Bağdad vilayətinin qubernatoru Fallah əl-Cazairi istefa verib.
Son.az APA-ya istinadən bildirir ki, qubernatorun səlahiyyətini Bağdad vilayət Şurası yeninə yetirəcək.
Qeyd edək ki, oktyabrın 1-də İraqda yoxsulluq, işsizlik və korrupsiyaya etiraz olaraq hökumət əleyhinə aksiyalar başlayıb.
Bağdad və digər şəhərlərdə küçələrə çıxan insanlar hökumətin istefasını tələb ediblər. Bir sıra yerlərdə, o cümlədən Bağdadda dinc aksiyalar kütləvi iğtişaşa və təhlükəsizlik qüvvələri ilə toqquşmalara çevrilib. Şiə din xadimi Müqtəda əs-Sədr parlamenti istefa verməsinin və beynəlxalq müşahidəçilərin nəzarətində növbədənkənar seçkilər keçirilməsinin zəruri olduğunu bəyan edib.
Mənbə: milli.az