Erkən nikahın dəhşətli fəsadları 14 yaşında ərə verilən qızın real hekayəsi...


Digərləri 06 Okt 2019 05:30:00 100 0

Erkən nikahın dəhşətli fəsadları  14 yaşında ərə verilən qızın real hekayəsi...

Son.az medicina.az-a istinadən bildirir ki, 

Ailə ilə təsadüfən rastlaşdım. Bakı gecəqondularından birində yaşayan xəstə həmkəndlimə baş çəkməyə getmişdim. Yüngülvari bazarlıq üçün yaxınlıqdakı kiçik mağazaya girəndə gördüyüm mənzərədən sarsıldım. Kassa arxasında orta yaşlarda, hündürboylu, saç-saqqal basmış bir kişi 8-9 yaşlarda oğlan uşağının əllərinə taxta xətkeşin tinilə ara vermədən vurur, uşaq gözləri hədəqədən çıxmış halda səs çıxarmadan içində hıçqırır, kişiylə eyni yaşlarda olan, mağazanın ortasında donub qalan, əli süpürgəli qadının gözlərindən sel kimi yaş axırdı. Bu qəribə səssizliyin içindəki qorxunc mənzərə məni o qədər çaşdırmışdı ki, nə edəcəyimi bilmədim. Bəlkə də kişinin vahiməli baxışlarından ehtiyatlandım. Yardım üçün qapıya çıxanda başını pəncərəyə dayayıb içəri baxan gənc qadını gördüm. Bir an dönüb mənə sarı baxdı. Qorxudanmı,qəzəbdənmi alacalanmış gözlərin dəriliyindəki ifadəni anlamaq o qədər çətindiki... Gözlər üsyan edir, gözlər qəzəb püskürür, eyni anda sanki mərhəmət diləyirdi... Kişi  o uşağı niyə elə cəzalandırır, yaşlı qadın niyə lal-dinməz göz yaşı tökür, o uşağın, o gənc qadının günahı nədir?.. Ətrafda bircə nəfər gözə dəymirdi. Yenidən mağazaya girməkdən başqa çarə qalmamışdı. Heç nə olmamış kimi yüksək səslə salam verib, ağlıma gələn bir məhsulun adını soruşdum. Kişi uşağı dirsəyilə kənara itələyib:

- Qurban olasan müştəriyə, elə bilmə ki, canın qurtardı, axşam iki gözünü bir deşikdən çıxaracam,- deyib, zorla gülümsəməyə çalışdı, - Köpəyoğlu dədəsi yaşlı vaxtımda küçüklərini atıb üstümə, guya Urisetdə yel əsib, havayı qoz yerə tökülüb, bu bivec də yığıb gətirəcək. Kişi qarşısındakının onu dinləyib-dinləmədiyinin fərqinə varmadan doğrayıb-tökürdü. Uşaq çoxdan aradan çıxmışdı. Qadın da gözə dəymirdi. Nə bir şey alacaq həvəsim, nə də xəstəyə baş çəkmək gücüm qalmışdı... Hadisənin tam təfərrüatını bir qədər sonra əli süpürgəli qadından öyrəndim. Çarəsizlik yaşlı ananı tanımadığı hər kəsdən mərhəmət diləməyə məcbur eləyirdi.

... Ailə evin yeganə qızı Mələyi (adlar şərtidir) 14 yaşındaykən  məktəbdən ayırıb Rusiyada ticarətlə məşğul olan həmkəndlisinə zorla ərə verir. Bir müdət sonra Fazil Mələyi ata-anasının yanında qoyub Rusiyaya dönür. İki oğlu dünyaya gələnə qədər ara-sıra kəndə gəlir, hər dəfəsindədə, 18 yaşın tamam olanda rəsmi nikaha girərik, sonra səni də uşaqları da özümlə aparacam deyib, Mələyi yalançı vədlərlə aldadır.

Bir neçə il  onlara xırda-para xərclik göndərəndən sonra ayağını kənddən kəsir. Hər iki ailənin təkidi ilə bir müddət sonra onları yanına aparır. Mələk Fazilin Rusiyada başqa ailəsi və uşaqlarının olduğunu öyrənəndən sonra yenidən Azərbaycana qayıdır. Gənc ana əri hesab elədiyi adamın kirayə tutduğu daxmada keçirdiyi əzablı həyatdan, Fazilin ona verdiyi zülmlərdən söz açdıqca əli-ayağı titrəyir, sanki danışdıqca həmin ağrıları yenidən yaşayırdı. Günlərlə evdə tək, köməksiz qalan qadın övladlarını da götürüb bir qohumunun köməyi ilə ata-anasının yanına dönür... burada da başqa acılar, başqa problemlər başlanır.   Kənddə aldığı təqaüdlə ailəni dolandıra bilməyən Yusif kişi Bakıya gəlir, bir tanışının köməyi ilə mağazada fəhlə kimi işə düzəlir. Elə mağazanın qonşuluğunda kiçik bir evi kirayələyib qızı ilə nəvələrini yanına gətirir. Beş nəfərlik ailə kiçik bir otağa sığınır. Sürəyya arvad mağazada süpürgəçiliyə başlayır. Maddi sıxıntıdan əziyyət çəkən yaşlı ata hər axşam işdən evə dönəndə acığını arvadından çıxarır, "yaxşı ana olsaydın qızın  üstündə qalmazdı" deyib, yediyi bir parça çörəyi zəhərə döndərir. Bütün bunlar onsuz da illər uzunu psixoloji sarsıntı yaşayan Mələyi həyatdan soyudur, gənc qadın hər şeydən çox onun həyatını məhv eləyən atasına nifrət eləyir. İki məktəbyaşlı uşaq isə ata-ana sevgisindən məhrum, səfil həyatı yaşayır. Hələ nə ananın kimliyini təsdiqləyən sənədi, nə də ikinci, üçüncü sinifdə oxuyası uşaqların  doğum şəhadətnaməsi var. Rəsmi nikahdan isə söz gedə bilməz. Uşaqların nə vaxt məktəb qapısı açacağı bəlli deyil.

Ən təhlükəlisi isə uşaqlığı, yeniyetməliyi, gəncliyi, bütün həyatı əlindən alınan zavallı bir qadın intihar üçün yollar axtarır. Yusif kişinin isə düşüncəsi budur:

- Çox adam belədi, kasıbçılıqdı, birtəhər dözməliyik. Yaxşı arvad evindən, yuvasından çıxmaz. Mənim qızım boşanıb gəlib ata evində otura bilməz. Ölsə də ərinin yanında öləcək.   R.Quliyeva

Qəribə məntiqdir, rəsmi nikahı belə olmayan qadın kimdən, necə boşanacaq?  Ata adını, soyadını təsdiqləyən heç bir sənədi olmayan, atanın üzünü, səsini belə xatırlamayan uşağın təsəvvüründəki ata kimdir? Bu, uşaqların, o zavallı qadının günahı nədir? Niyə biz öz əlimizlə övladlarımızı odun-alovun içinə atırıq?   Erkən nikahların yaratdığı psixoloji fəsadlar barədə mütəxəssis danışır.   Erkən nikahın  fəsadları

Efiopiyalı Lelisa Desisa dünya çempionatının atletika marafonu üzrə qalib olub like
  • 06 Okt 04:58  
Digərləri Efiopiyalı Lelisa Desisa dünya çempionatının atletika marafonu üzrə qalib olub

Efiopiyalı Lelisa Desisa dünya çempionatının atletika marafonu üzrə qız

arrow Ətraflı
Tramp Milli Təhlükəsizlik Şurasının ştatını ixtisar edir like
  • 06 Okt 04:30  
Dünya Tramp Milli Təhlükəsizlik Şurasının ştatını ixtisar edir

ABŞ Prezidenti Donald Tramp Milli Təhlükəsizlik Şurasının əməkdaşları

arrow Ətraflı
Kolumbiyada neft kəmərini partladıblar like
  • 06 Okt 04:06  
Digərləri Kolumbiyada neft kəmərini partladıblar

Naməlum şəxslər Kolumbiyanın cənubunda bir neft kəmərini partladıblar

arrow Ətraflı
Rusiya Federasiyasının XİN binasında yanğın baş verib like
  • 06 Okt 03:05  
Digərləri Rusiya Federasiyasının XİN binasında yanğın baş verib

Rusiya Federasiyasının XİN Moskvanın mərkəzindəki binasında qısaqapanma

arrow Ətraflı
Böyük Britaniya İrana 1 milyard funt sterlinqdən çox cərimə ödəyib like
  • 06 Okt 02:30  
Dünya Böyük Britaniya İrana 1 milyard funt sterlinqdən çox cərimə ödəyib

Böyük Britaniya hökuməti üçüncü ölkələr vasitəsilə İranın "M

arrow Ətraflı
Portuqaliyada parlament seçkiləri keçiriləcək like
  • 06 Okt 02:11  
Digərləri Portuqaliyada parlament seçkiləri keçiriləcək

Bazar günü Portuqaliyada parlament seçkiləri keçiriləcək

arrow Ətraflı
Yeseninin Əliağa Vahidlə Bakı SƏRGÜZƏŞTLƏRİ...  EŞQ MACƏRALARI  FOTO like
  • 06 Okt 01:30  
Digərləri Yeseninin Əliağa Vahidlə Bakı SƏRGÜZƏŞTLƏRİ... EŞQ MACƏRALARI FOTO

Bu ay dahi rus şairi Sergey Yeseninin 122 yaşı tamam olur. Cəmi 30 il ömür

arrow Ətraflı
Maskalı hərbçilər "Al Hadath" televiziya kanalın Bağdaddakı bürosuna hücum ediblər like
  • 06 Okt 01:22  
Digərləri Maskalı hərbçilər "Al Hadath" televiziya kanalın Bağdaddakı bürosuna hücum ediblər

Naməlum maskalı silahlılar şənbə axşamı Bağdaddakı "Al Hadath" televiz

arrow Ətraflı
ABŞ komandası dünya atletika çempionatında 4x100 metr üzrə estafeti qazanıb like
  • 06 Okt 00:22  
Digərləri ABŞ komandası dünya atletika çempionatında 4x100 metr üzrə estafeti qazanıb

ABŞ-ın kişilərdən ibarət olan komandası 4x100 metr estafetdə dünya atle

arrow Ətraflı
Günün qoroskopu: rahat və adi günlərdən biri deyil like
  • 06 Okt 00:01  
Digərləri Günün qoroskopu: rahat və adi günlərdən biri deyil

Milli.Az dünyanın nüfuzlu və məşhur ulduz falları portalları "Horoscope"

arrow Ətraflı
Honda Avropada dizellərin satışını dayandıracaq like
  • 05 Okt 23:58  
Digərləri Honda Avropada dizellərin satışını dayandıracaq

Avropada dizel mühərriki ilə təchiz edilmiş avtomobillər böyük tələbat

arrow Ətraflı
Araqla kompres edəndən sonra həmin yeri pak etmək lazımdırmı? like
  • 05 Okt 23:55  
Digərləri Araqla kompres edəndən sonra həmin yeri pak etmək lazımdırmı?

Araq şiə (cəfəri) məzhəbində murdar sayılır. Onu içmək haram olduğu

arrow Ətraflı
Allah nə zaman mömini siddiqlərin cərgəsinə yazar? like
  • 05 Okt 23:50  
Digərləri Allah nə zaman mömini siddiqlərin cərgəsinə yazar?

İmam Sadiq (ə) nəql edir: "Allah Həzrət Musaya (ə) vəhy edir: "

arrow Ətraflı