Müğənni Fuad Musayev bir neçə gün öncə evinin qarət olunmaslnda iştirak edən qonşu qızı Səbinə Atakişiyevanı bağışlayıb.

Son.az xəbər verir ki, o, bu barədə müğənni "Maşın" Şou-da açıqlama verib.

O qeyd edib ki, qızın anasının göz yaşlarına dözə bilməyərək qızı bağışlayır. Ona qarşı heç bir şikayəti olmadığını deyən Musayev, hüquq-mühafizə orqanı əməkdşalarından onu həbs etməmələrini xahiş edib.

Xatırladaq ki, Səbail rayonu Bayıl qəsəbəsində yaşayan F.Musayev sentyabrın 27-də Rayon Polis İdarəsinin 8-ci Polis Bölməsinə müraciət edərək yaşadığı evdən içərisində 1800 ABŞ dollar olan seyfin naməlum şəraitdə oğurlandığını bildirib.