Hamınıza bugünkü siması ilə tanış olan həmin şəxsin nadir şəkli yəqin ki, sizlərdə hansısa təəssüratlar yaradır. 

Son.az bildirir ki, Modern.az rubrikanın növbəti təqdimatında keçmiş deputat və eks-səfir Yaşar Əliyevi təqdim edir.

O Yaşar Əliyev ki, Milli Məclisin yeganə deputat olub ki, parlamentdəki yerini mərhum Heydər Əliyevə təklif edib.

Yaşar Əliyev 1948-ci ildə iyulun 5-də Bakıda anadan olub. 1966-cı ildə Bakı şəhəri 1 saylı orta məktəbi bitirdikdən sonra N.Nərimanov adına Azərbaycan Tibb İnstitutuna daxil olub və 1971-ci ildən oranı bitirərək, həkim ixtisasına yiyələnib.

Əmək fəaliyyətinə 1972-ci ilin yanvar ayından Zaqulba sanatoriyasında həkim kimi başlayıb, 1975-ci ilin oktyabr ayından 1979-cu ilin may ayınadək Bakı şəhəri Əzizbəyov rayon Komsomol Komitəsinin II katibi vəzifəsində çalışıb. Sonrakı əmək fəaliyyəti Semaşko adına xəstəxana ilə bağlıdır. Burada 1982-ci ilin dekabr ayına kimi cərrahiyyə şöbəsində həkim, sonra isə baş həkimin müavini və 1984-cü ilin mart ayından xəstəxanasının baş həkimi işləyib.

1990-cı ildə Azərbaycan SSRİ XII çağırış Ali Sovetinin deputatı, 1992-ci ildə isə Milli Məclisin 50 nəfərlik üzvündən 1-i seçilib.

(adsgarden = window.adsgarden || []).push({});