Bakı. Eldar Canaşvili - Azərbaycanda informasiya iqtisadiyyatının qurulması prosesi Cənubi Koreyada xüsusi maraq oyadır. Trend-in məlumatına görə, Koreya Beynəlxalq Əməkdaşlıq Agentliyinin (KOICA) Azərbaycan ofisinin direktoru Pak Kumok İqtisadiyyat Nazirliyi yanında Sahibkarlığın İnkişafı Fondu ilə Koreya Beynəlxalq Əməkdaşlıq Agentliyi arasındakı “Ağıllı körpü” birgə treninq layihəsinin başa çatmasına həsr olunmuş mətbuat konfransında deyib. O, Agentliyin Azərbaycandakı fəaliyyətindən məmnunluğunu bildirib və birgə layihələrin reallaşdırılmasının üstünlüklərindən danışıb.