Əli Kərimliyə NÖVBƏTİ ŞOK: Fuad Qəhrəmanlıdan sonra o da istefa verdi


Siyasət 26 Sen 2019 12:08:00 84 0

Əli Kərimliyə NÖVBƏTİ ŞOK: Fuad Qəhrəmanlıdan sonra o da istefa verdi

Tanınmış hüquqşünas, Milli Şuranın Koordinasiya Mərkəzinin üzvü Ənnağı Hacıbəyli AXCP ilə yollarını ayırdığını bəyan edib.

Son.az publika.az-a istinadən xəbər verir ki, bu barədə hüquqşünas özünün Feysbuk səhifəsində yazıb.

Ə.Hacıbəyli son günlər AXCP üzvləri tərəfindən təhqir edildiyini bildirib:

"1998-ci ildən vətəndaş cəmiyyəti sektorunda fəaliyyət göstərirəm. Elədiklərim barədə heç nə deməyəcəm. Bilən bilir, bilmək istəməyənlərə isə nəsə demək mənasızdır. İşim, mövqeyim və qardaşlarıma görə çoxları məni cəbhəçi sayıb. Xeyli dərəcədə haqlıdırlar, çünki cəbhəçilik təkcə AXCP üzvü olmaq deyil, həm də müxalif düşüncənin, haqq-ədalət yandaşlığının, əqidəli, ləyaqətli olmağın sinonimidir.

2013-cü ilin prezident seçkilərində Milli Şuranın rəhbər orqanının fəal üzvü kimi hər şey gözlərim qarşısında baş verirdi. İctimai Palatada (KŞ-nin üzvü olmuşam), sonra isə prezident seçkilərində müşahidələrim məni xeyli məyus elədi. Seçkinin nəticələri ilə bağlı bir analitik yazı yazdım, səhvləri, nə etmək gərək olduğunu göstərdim. Müsavatçılardan bir neçə nəfər onların xoşuna gəlməyən adi tənqidi bir cümləyə görə məni təhqir elədilər. Amma heç kəs mənə satqın və yaltaq demədi. Amma Fuad bəy (Qəhrəmanlı-red.) olayı ilə bağlı fikrimə görə, cəbhəçilər məni satqın və yaltaq adlandırdı. Status ilə müzakirə açan dostumuz Namizəd bəy (Namizəd Səfərov nəzərdə tutulur - red.) nəinki susdu, hətta təhqiramiz rəylərin əksəriyyətini bəyəndi.

2013-cü ilin dekabrından bu ilin mayınadək 6 il Baş Prokurorluğun Ağır cinayətlər İdarəsi mənim və təmsil etdiyim təşkilat barədə cinayət işi olmadan istintaq apardı. Təkrar-təkrar yoxlamalara, ekspert rəylərinə və s. baxmayaraq əsas tapıb mənə ittiham elan edə bilmədi, amma cəbhə rəhbərliyinin ruporu İlham Hüseyn mənə qrant yeyib susan, ağzını skoçlayan ittihamı verdi.

Zərdabdan Avropayadək uzanan ekspertlər mənə ad qoydular, məni, nəslimi, mövqeyimi dəqiq tanıyan və bilən Əli Kərimli onunla kifayətləndi ki, başqasını nahaqdan, xorla təhqir edən adamlara trol demək olmaz. Trol definisiyasına sığmayan adamların isə başqalarının təhqiramiz olmayan fikrinə təhqirlə cavab verməsinə normal baxmaq olar, eləmi? AXCP NTK-ya müraciət etməyi tövsiyə edən sədr bilmirmi ki, o rəyləri yazanlar içərisində həmin o NTK üzvləri də var.

İndi "cib" müxalifətinə çevrilmiş partiya başqanları və üzvlərinin bizi təhqir etməsinə cavab versəm də, onları ciddi qəbul etməmişəm. Amma ciddi müxalifət partiyaları, əqidə yaxınlığımız olan adamların belə münasibəti üzücü oldu və münasibətlərimiz barədə düşünməyə əsas verir. Hətta tənqidçilər arasında trol, fürsətcil, satqınlar olsa belə, hamıya it sürüsü demək cəbhəyə nə qazandıra bilər? Bu düşüncəyə şərik olmaq adama ağır gəlir.

Ya səhvlərimizi etiraf etməliyik, ya da kiminlə müttəfiq olmağımız barədə düşünməliyik. Bu, bəzilərinin anladığı cəbhə dəyişmək deyil, sadəcə, döyüşə getdiyin adamlara inam və etibar məsələsidir, qarşılıqlı hörmət və səmimiyyət məsələsidir. Kimlərsə məni, xoşlamadığı adamları itirməyi mənasız itki saya bilər, amma hakimiyyət uğrunda mübarizə hər bir səs uğrunda mübarizə deməkdir.

Sonda bir qənaətimi də deyim: bütün bunlar onu göstərdi ki, Azərbaycanda sistem müxalifəti yoxdur, müxalifət sistemi var.

P.S. Çalışacam heç kimə cavab verməyim. Bu yazı cavab üçün deyil, düşünmək üçündür. Ləyaqətli mübarizə aparan bütün şərəfli insanlara uğurlar".

Şəhriyar Məmmədyarov ailəsi ilə kamera qarşısına keçdi  FOTO like
  • 26 Sen 12:03  
Digərləri Şəhriyar Məmmədyarov ailəsi ilə kamera qarşısına keçdi FOTO

Şahmat üzrə dəfələrlə dünya çempionu olan Şəhriyar Məmmədyarov həy

arrow Ətraflı
Baş Nazirin müavini: İnsanlarımız gələcəyə daha inamla baxır like
  • 26 Sen 12:03  
Digərləri Baş Nazirin müavini: İnsanlarımız gələcəyə daha inamla baxır

Azərbaycan Respublikası Baş Nazirinin müavini, Yeni Azərbaycan Partiyası (

arrow Ətraflı
Gələn ildən Bakıda avtobusların mütləq əksəriyyəti kart sisteminə keçəcək like
  • 26 Sen 12:00  
Digərləri Gələn ildən Bakıda avtobusların mütləq əksəriyyəti kart sisteminə keçəcək

2020-ci ildən Bakı şəhərində fəaliyyət göstərən bütün avtobusların

arrow Ətraflı
Kapital Bank “ağıllı” kassaları istifadəyə verdi! like
  • 26 Sen 11:57  
Digərləri Kapital Bank “ağıllı” kassaları istifadəyə verdi!

Kapital Bank korporativ müştərilər üçün smart kassa cihazlarını istifad

arrow Ətraflı
Xarici İşlər naziri Elmar Məmmədyarov gürcü həmkarı ilə görüşüb (FOTO) like
  • 26 Sen 11:52  
Digərləri Xarici İşlər naziri Elmar Məmmədyarov gürcü həmkarı ilə görüşüb (FOTO)

Azərbaycan Respublikasının Xarici İşlər naziri Elmar Məmmədyarov BMT Ba

arrow Ətraflı
AQTİ “Təhlükəsiz qida” adlı müsabiqə elan edir like
  • 26 Sen 11:45  
Digərləri AQTİ “Təhlükəsiz qida” adlı müsabiqə elan edir

Azərbaycan Qida Təhlükəsizliyi İnstitutu (AQTİ) “Təhlükəsiz qida”

arrow Ətraflı
Əkrəm İmamoğlu Tarkanın konsertində  FOTO like
  • 26 Sen 11:45  
Digərləri Əkrəm İmamoğlu Tarkanın konsertində FOTO

Meqastar Tarkan Harbiyə açıq hava teatrında konsert proqramı ilə çıxış

arrow Ətraflı
Hindistan Texniki və İqtisadi Əməkdaşlıq günü Bakıda qeyd olundu (FOTO) like
  • 26 Sen 11:40  
Digərləri Hindistan Texniki və İqtisadi Əməkdaşlıq günü Bakıda qeyd olundu (FOTO)

Azərbaycan-Hindistan əlaqələrinin dərin tarixi kökləri və xoş ənənəl

arrow Ətraflı
Bakıda daha 2 Nəqliyyat Mübadilə Mərkəzi yaradılacaq like
  • 26 Sen 11:39  
Digərləri Bakıda daha 2 Nəqliyyat Mübadilə Mərkəzi yaradılacaq

Gələcəkdə metronun "Nəriman Nərimanov" stansiyası, "Gənclik" stansiyası

arrow Ətraflı
"Koroğlu" Nəqliyyat Mübadilə Mərkəzinin istifadəyə veriləcəyi tarix AÇIQLANDI like
  • 26 Sen 11:38  
Digərləri "Koroğlu" Nəqliyyat Mübadilə Mərkəzinin istifadəyə veriləcəyi tarix AÇIQLANDI

Koroğlu Nəqliyyat Mübadilə Mərkəzi bir həftə ərzində sərnişinlərin

arrow Ətraflı
Sumqayıtda 29 yaşlı gənc ürəyindən bıçaqlandı like
  • 26 Sen 11:35  
Kriminal Sumqayıtda 29 yaşlı gənc ürəyindən bıçaqlandı

Sumqayıt şəhərində qətl hadisəsi baş verib.

arrow Ətraflı