Dövlət Məşğulluq Xidməti yeni sahələr üzrə peşə hazırlığı kurslarının təşkilini elan edir


Digərləri 25 Sen 2019 15:00:35 212 0

Dövlət Məşğulluq Xidməti yeni sahələr üzrə peşə hazırlığı kurslarının təşkilini elan edir

İşaxtaran və işsiz vətəndaşların nəzərinə!

Bakı. Əmək və Əhalinin Sosial Müdafiəsi Nazirliyi yanında Dövlət Məşğulluq Xidməti sentyabr ayından etibarən Hotellər və Restoranlar Assosiasiyası (DAİR) ilə birgə turizm, qonaqpərvərlik və xidmət sahələr üzrə peşə hazırlığı kurslarına müdavim qəbulunu elan edir. Nazirlikdən Trend-ə verilən məlumata görə, elan edilən peşə hazırlığı kursları aşağıdakılardırlar: Aşpaz (Azərbaycan kulinariyası) Qənnadçı Ofisiant (banket və ziyafətlər üçün) Ofisiant (yüksək kvalifikasiyalı) Dağ turist marşrutları üzrə bələdçi Ekskursiya bələdçisi Qeydiyyatçı (mehmanxanada) / Receptionist Konsyerj Mehmanxana qapıcısı (belman) Otel xadiməsi (təmizlik işləri) / Hotel Cleaner Barmen Turizm, qonaqpərvərlik və xidmət sahələrində karyera imkanları əldə etmək, ixtisas almaq və ya öz kvalifikasiyasını təkmilləşdirmək arzusunda olan şəxslər peşə hazırlığı kurslarına qatılmaq üçün müraciət edə bilərlər. Peşə hazırlığı nəzəri və praktiki təlimləri şəklində - turizm və qonaqpərvərlik biznesi müəsissələrində təcrübə keçməklə tədris ediləcək. Kursların tədrisi Azərbaycan Turizm və Qonaqpərvərlik Tədris Mərkəzinin (ATHEC) peşəkar təlimçiləri cəlb olunmaqla Əmək və Əhalinin Sosial Müdafiəsi Nazirliyi yanında Dövlət Məşğulluq Xidmətinin Bakı Dövlət Regional Peşə Təhsili Mərkəzində həyata keçiriləcəkdir. Dövlət Məşğulluq Xidmətinin yerli orqanlarında işsiz şəxs kimi qeydiyyatda olanlar üçün kurslar ödənişsizdir və onlar təhsil müddətində təqaüdlə təmin olunacaqlar. İşaxtaranlar üçün təhsil ödənişlidir. Namizədlər müsabiqə yolu ilə seçilirlər. Kursları müvəffəqiyyətlə bitirmiş şəxslərə müvafiq sertifikatlar təqdim olunacaq və onların müvafiq işlə təmin olunmasına köməklik göstəriləcək.