UEFA Qarabağ-a qarşı intizam işi açdı
İdman 24 Sen 2019 14:32:00 311 0
Avropa futbol qurumunun Mətbuat xidmətindən verilən məlumata görə, araşdırma Azərbaycan təmsilçisinin Avropa Liqasının qrup mərhələsinin I turunda İspaniya Sevilla-sı ilə ev matçında baş verənlərlə əlaqədardır.
UEFA növbəti dəfə Qarabağ-a qarşı intizam işi açıb.
Azarkeşlər Tofiq Bəhramov adına Respublika stadionundakı qarşılaşmada meydana kənar əşyalar atıblar. Bu, Andalusiya təmsilçisinin 62-ci dəqiqədə hesabı açmasından sonra baş verib. Sevilla-nın heyətində Xavyer Ernandes cərimə zərbəsini dəqiq yerinə yetirib. Ağdam komandasının fanatları isə "Çiçarito" ləqəbli hücumçunun qoluna belə reaksiya veriblər.
UEFA-nın Nəzarət, Etika və İntizam Komitəsi məsələyə oktyabrın 17-də baxacaq (Report).
Mənbə: goal.az