Son.az musavat.com-a istinadən bildirir ki, Böyük Britaniyanın "The Telegraph" qəzetinin verdiyi məlumata görə, bu, Moskva antidopinq laboratoriyasının (RUSADA) rus idmançılarla bağlı məlumatları saxtalaşdıraraq Ümumdünya antidopinq agentliyinə (WADA) göndərməsi ilə bağlıdır.

Agentlik hesab edir ki, Rusiya tərəfi son 18 ayla bağlı informasiyalarda manipulyasiyaya yol verərək idmançıların dopinqdən istifadə etmək hallarını gizlətmək istəyib.

Əslində ruslar məlumatları verməklə canlarını qurtaracaqlarını, 2014-cü ildə Soçidə keçirilən Qış Olimpiya oyunlarından sonra çıxan və Rusiya idmanına ağır zərbə vuran dopinq qalmaqalına son qoyulacağını düşünürdülər. Lakin əgər hüquq pozuntusu faktları sübuta yetirilsə yerli antidopinq agentliyi yenidən tamhüquqlu iştirakçı statusunu itirmək təhlükəsi ilə üz-üzə qalacaq.

Almaniyanın ARD kanalının antidopinq araşdırmaları ilə məşğul olan iki jurnalisti, Hayo Zeppelt və Nik Batler də Moskva laboratoriyasının idmançıların göstəriciləri ilə "oynadığını" bildiriblər. Onların informasiyasına əsasən, bütün şübhələr WADA-nın İcriyyə komitəsində baxılacaq.