Yük konteynerində 38 miqrant aşkarlandı
Dünya 22 Sen 2019 15:32:00 279 0
Macarıstan polisi ölkənin Serbiya ilə sərhədində dəmir yolu konteynerində 38 qeyri-qanuni miqrant aşkarlayıb.
Son.az APA-ya istinadən xəbər verir ki, bu barədə ölkənin Daxili İşlər Nazirliyi məlumat yayıb.
"Macarıstan polisi Kelebia sərhəd məntəqəsində yük konteynerində 38 miqrant tapıb. Onların otuz altısı əfqan, daha ikisi eritreyalılardır", - məlumatda belə deyilir.
Tapılan miqrantların heç birində Macarıstanda qalmaları üçün sənəd olmadığından, onlar sərhəddəki Tompa-Kelebia qəbul mərkəzinə göndərilib.
Mənbə: milli.az