"Elə ucqar kəndləri var ki, son 15 ildə orada ali təhsil alan bir qız belə yoxdur"


Digərləri 19 Sen 2019 13:29:00 229 0

"Elə ucqar kəndləri var ki, son 15 ildə orada ali təhsil alan bir qız belə yoxdur"

Bu gün Azərbaycanda 15-17 yaşlı qadınlar tərəfindən dünyaya gətirilən uşaqların sayı xeyli azalıb.

Son.az Trend-ə istinadən bildirir ki, bunu Ailə, Qadın və Uşaq Problemləri üzrə Dövlət Komitəsinin İnformasiya və analitik araşdırmalar şöbəsinin baş məsləhətçisi Aynur Veysəlova "Qadın hüquqlarının qorunmasında dini icmaların yeri və rolu" mövzusunda keçirilən konfransda çıxışı zamanı deyib.

Onun sözlərinə görə, 2018-ci ildə bu yaşda qadınlar tərəfindən dünyaya gətirilən uşaqların sayı 2129 olub:

"Bu gün cənub zonasında erkən nikahlarla bağlı rəqəm elə də qorxulu deyil. Erkən nikahlar Aran rayonlarında və Bakı kəndlərində də qeydə alınır. Araşdırmamıza görə cənub zonasının elə ucqar kəndləri var ki, son 10-15 ildə orada ali təhsil alan bir qız belə yoxdur".