Kokorin və Mamayev azadlığa buraxıldı


İdman 17 Sen 2019 17:36:00 256 0

Kokorin və Mamayev azadlığa buraxıldı

Rusiya yığmasının sabiq futbolçuları Aleksandr Kokorin və Pavel Mamayev azadlığa buraxılıb.

Goal.az Rusiya mətbuatına istinadən xəbər verir ki, onlar məhkəmənin qərarı qüvvəyə mindikdən 10 gün sonra koloniyanı tərk ediblər.

Həmçinin Aleksandrın qardaşı Kirill də azadlığa çıxıb. Kokorin hətta bu həftə komandası "Zenit"də tibbi baxışdan keçəcək və ardından komandaya qoşulacaq.

Qeyd edək ki, ötən ilin oktyabrında Aleksandr Kokorin, Pavel Mamayev və Kirill Kokorin Moskvadakı davada iştirak edib, məmur Denis Pak, sürücü Vitali Solovçuk və “NAMİ”nin baş direktoru Sergey Qaysana xəsarət yetiriblər. Mayın 8-də keçirilən məhkəmədə Kokorin qardaşlarına 1 il 6 ay, digərlərinə 1 il 5 ay həbs cəzası verilmişdi.