O kəslər ki, Allaha və axirət evinə iman bəsləmirlər, başqalarına qarşı kini qəblərinə salırlar. Bu insanlar daima intiqam almaq niyyətindədirlər. Kin insanın ruhunu xəstə edər, ruh həmişə bu xüsusiyyətdən əziyyət çəkər. Kin insanı İlahi qürbdən uzaq edər və alimlərlə oturub-durmaqdan məhrum salar. Kin insan qəlbinə zərər vuran günahlardandır. İnsan bir nəfərə əsəbləşən zaman onun düşmənçiliyini qəlbinə salar. Bu möminlərə yaraşan bir xüsusiyyət deyildir. İmam Əli (ə) buyurur: "Qəlblərinizi kindən pak edin, çünki kin - məhvedici bir dərddir".

Kin həmçinin qəlbin kamala hərəkət etməsinə mane olur. Kin və intiqam hissi nəticəsində insan başqaları haqqında düzgün fikirləşə bilmir. Deməli, bir insan haqqında məntiqi nəticə çıxartmaq üçün insan ağlı hər cür məhdudiyyətdən azad olmalıdır. Belə ki, kinli insanın düşüncələri həmişə yanlış tərəflərə gedir. İmam Əli (ə) buyurur: "Kin - şər və fitnə vasitəsidir".

Kin cəmiyyətdə fitnə və fəsada şərait yaradar. Kinli insanlar əgər bir yerdə işləyirsə, bir-birinə qarşı az diqqətli olurlar. Bu da qarşı tərəfin özünü təhqir edilmiş hiss etməsinə gətirib çıxardır. Bu zaman insanlar arasındakı həmrəylik aradan gedir və cəmiyyət dağılmağa başlayır. İmam Sadiq (ə) buyurur: "Mömin məclisdə olan zaman ola bilsin ki, kinə düçar olsun. O məclisdən xaric olan zaman kin də qəlbindən gedər". İmam Əli (ə) buyurur: "Ancaq o kəslər aqildir ki, kini qəlblərindən çıxarda bilirlər".

Kini aradan qaldırmaq üçün ilk növbədə onun amillərini aradan qaldırmaq lazımdır. Kinin amilləri çox şey ola bilər. İnsanlar bir-biri ilə danışan zaman bəzən yaxşı niyyətlə danışırlar. Bəzən də niyyətləri elmlərini və ya təhsillərini diqqətə çəkmək olur. Bu danışıqların hədəfi heç də yaxşı deyildir. Qarşı tərəfi ya məhkum etmək istəyir, ya da sözünü ona hakim etmək istəyir. Hətta əgər təsdiq edilsə ki, onun nəzəri düzgün deyildir, yenə də öz fikrində israr edər.

(adsgarden = window.adsgarden || []).push({});