Nənəsigilə qonaq gələn 11 yaşlı qızı maşın vurdu
Digərləri 11 Sen 2019 22:25:00 233 0
Qaxda 11 yaşlı qızı maşın vurub.
Son.az qafqazinfo-ya istinadən xəbər verir ki, hadisə rayonun Tasmalı kəndində baş verib. Qax şəhər sakini, 1994-cü il təvəllüdlü Şəkiliyev Yunis Miraləm oğlu idarə etdiyi "QAZ 24" markalı avtomobillə hərəkətdə olarkən, Tasmalı kəndinə nənəsigilə qonaq gəlmiş 2008-ci il təvəllüdlü Mirzəyeva Ləman Nurlan qızını vurub. Yaralı dərhal Qax rayon Mərkəzi Xəstəxanasına çatdırılıb.
Xəstəxanadan verilən məlumata görə, yaralıya kəllə beyin travması diaqnozu qoyulub, vəziyyəti orta ağır qiymətləndirilir. Müalicəsi davam etdirilir.
Faktla bağlı araşdırma aparılır.
Mənbə: milli.az