Gürcüstan-Ermənistan sərhədində 5,2 və 4,2 bal gücündə zəlzələlər olub
Digərləri 10 Sen 2019 23:21:00 179 0
Ermənistan ərazisində, Gürcüstan-Ermənistan sərhədi yaxınlığında ardıcıl iki zəlzələ baş verib
Bakı.
Ermənistan ərazisində, Gürcüstan-Ermənistan sərhədi yaxınlığında ardıcıl iki zəlzələ baş verib.
Trend-in Gürcüstanın Seysmologiya Mərkəzinə istinadən verdiyi məlumata görə, birinci zəlzələnin maqnitudası 5,2 bal olub. Yeraltı təkanın episentri Ermənistan ərazisində, Gürcüstanla sərhəddən 8 kilometr aralıda, ocağı isə 10 kilometr dərinlikdə yerləşib.
İkinci zəlzələnin maqnitudası 4,2 bal olub. Zəlzələnin episentri Ermənistan ərazisində, Gürcüstanla sərhəddən 5 kilometr aralıda, ocağı isə 5 kilometr dərinlikdə yerləşib.
Dağıntı və xəsarət alanlar barədə məlumat verilməyib.
Mənbə: az.trend.az