Bakı. Yaponiyanın Tokio şəhərində güclü "Faks" tufanı səbəbindən təxminən 930 min yaşayış evi müvəqqəti olaraq işıqsız qalıb. Trend-in məlumatına görə, bu barədə "TEPCO" energetika kompaniyası bildirib. Məlumata əsasən, Tokio ilə yaxınlıqda olan Çiba Prefekturasında ən az 20 nəfər xəsarət alıb. Həmin prefekturada güclü yağışlar torpaq sürüşməsinə səbəb olub. Sakit okeandan Tokioya yaxınlaşan tayfuna görə yüzə yaxın avia reyslər ləğv edilib.