Ömrünün 65 ilini sadə peşəyə həsr edən pinəçi VİDEO FOTO


Digərləri 08 Sen 2019 20:30:00 70 0

Ömrünün 65 ilini sadə peşəyə həsr edən pinəçi  VİDEO  FOTO

Müasir dövrümüzdə unudulmaqda olan qədim pinəçilik bu gün də sənət qədri bilənlər tərəfindən qorunur, öz ahəngi ilə yaşadılır. Son.az AZƏRTAC-a istinadən bildirir ki, səksən beş illik ömrünün nə az, nə çox, düz 65 ilini bu sənətə həsr edən Mustafa Heydərov yaşadığı Cəlilabad rayonunda indi bu peşənin sadiq keşikçilərindəndir. Qocaman sənətkarla bizi əməkdaşımız İsmayıl Cəfərli tanış edəcək.

Atalarımız "Zərin qədrin zərgər bilər" deyib... Ta qədimdən xalqın xidmətində duran sadə peşə, sənət adamları da həmişə öz işlərinin zərgəri olublar. Pinəçilik də Azərbaycanda qədim sənət növlərindən biridir. Adətən bu peşəni nəsil davamçıları bir-birinə ötürərək yaşadıb. Amma dünyanın hər üzünü görmüş ahıl, nurani həmsöhbətimiz Mustafa Heydərovun bu sənətə gəlişi genlə bağlı deyil, o, pinəçiliyi uşaq yaşlarından özü seçib.

"1953-cü ildə rayonumuzda sənətkarlar uşaq ayaqqabıları tikirdilər. O vaxt ayaqqabıların bir cütünü tikmək üçün mənə verdilər. Yəni, könüllü gözəyarı tikdim. Usta ayaqqabını çevirib hazır edəndə mənə o qədər yaxşı təsir bağışladı ki, dedim bu sənət artıq mənimdir, vəssalam. O gündən bu sənətlə məşğul oluram", - deyə pinəçi Mustafa Heydərov bildirib.

Mustafa kişi 65 ildir usta öz müştərilərini Cəlilabadın M.F.Axundov küçəsindəki kiçik bir köşkdə nəvazişlə qarşılayır, razılıqla yola salır. Qədim pinəçiliyin keçmişini gözünün önündə canlandırmaq istəyirsənsə, onun çalışdığı dükanı kənardan bircə anlıq seyr etmək kifayətdir ki, o mənzərənin şahidi olasan. İndiki pulla 500-600 manata qədər aylıq qazancının olduğunu və tələb olunan vergi planını vaxtında ödədiyini bildirən pinəçi deyib: "Mən böyük ailəmə bu sənətin hesabına çox yaxşı baxmışam. Pinəçilik sənəti məni bu yaşa qədər yaşadıb. Mən bu sənətə borcluyam. On uşaq böyütmüşəm, onları bu sənətin çörəyi ilə dolandırmışam. Şükürlər olsun, hamısını da yerbəyer eləmişəm".

Pinəçi Mustafa deyir ki, əvvəllər bu sənətin sahiblərinə böyük hörmət-izzət var idi. İndi isə insanların ayaqqabı təmirinə marağı azalıb. Çünki çox insanlar ayaqqabı təmir etmək əvəzinə təzəsini alırlar. Ona görə də pinəçilərə ehtiyac qalmayıb. Bu gün yaşadığı rayonda pinəçi Mustafa əmini tanımayan yoxdur. Müştəriləri də ondan ağız dolusu razılıq edirlər.

İndiyədək heç kəsi narazı salmadığını və aldatmadığını deyən Mustafa Heydərov bildirib: "Ayaqqabı təmiri üçün kimə nə söz vermişəmsə, vaxtında həll etmişəm. Get, sabah gəl, get, biri gün gəl etməmişəm. Bu sənətin sahibi olduğum üçün bəzən ayaqqabını da öpmüşəm".

Sağlam və gözəl görünmək istəyən qadınlar üçün like
  • 08 Sen 20:24  
Digərləri Sağlam və gözəl görünmək istəyən qadınlar üçün

Mütəxəssislər qadın gözəlliyi və sağlamlığı üçün lazım olan məh

arrow Ətraflı
İranın bu rayonunda 3 tona yaxın narkotik aşkarlandı like
  • 08 Sen 20:14  
Dünya İranın bu rayonunda 3 tona yaxın narkotik aşkarlandı

İranın cənub-şərqində yerləşən Sistan və Bəluçestan vilayətinin Xa

arrow Ətraflı
İranın bu rayonunda 3 tona yaxın narkotik aşkarlandı like
  • 08 Sen 20:11  
Digərləri İranın bu rayonunda 3 tona yaxın narkotik aşkarlandı

İranın cənub-şərqində yerləşən Sistan və Bəluçestan vilayətinin Xa

arrow Ətraflı
Ətir ətirə bənzəməz… like
  • 08 Sen 19:54  
Digərləri Ətir ətirə bənzəməz…

Hər ətir bir xatirə daşıyıcısıdır. Sitrus meyvələrinin ətri xoşbəx

arrow Ətraflı
Sağlam arıqlama üsulları  Bildikləriniz SƏHV İMİŞ like
  • 08 Sen 19:49  
Digərləri Sağlam arıqlama üsulları Bildikləriniz SƏHV İMİŞ

Dəyişkən yaşayış şərtləri, sağlam qida tapa bilmək narahatlığı və

arrow Ətraflı
Dünyanın boş qalmış ən nəhəng otel binasının maraqlı tarixçəsi  FOTO like
  • 08 Sen 19:44  
Digərləri Dünyanın boş qalmış ən nəhəng otel binasının maraqlı tarixçəsi FOTO

1987-ci ildə Şimali Koreyanın paytaxtında piramida şəklində super hündü

arrow Ətraflı
Georqi Qaxariya Gürcüstanın baş naziri oldu like
  • 08 Sen 19:27  
Digərləri Georqi Qaxariya Gürcüstanın baş naziri oldu

Bu gün Gürcüstan parlamenti yeni hökumətə etimad göstərib

arrow Ətraflı