Azərbaycan bu Avropa ölkələrinə də şərab ixrac edəcək
Digərləri 08 Sen 2019 14:50:00 220 0
Şəki şərab zavodu məhsulların İspaniyaya tədarük olunması barədə müqavilə imzalayıb
Bakı. Mətanət Nəsibova -
Şəki şərab zavodu məhsulların İspaniyaya tədarük olunması barədə müqavilə imzalayıb.
Bunu Trend-ə müəssisənin direktoru Vidadi Həsənov deyib.
Onun sözlərinə görə, söhbət aylıq 200 min butulka şərabın Barselonaya tədarükündən gedir: "İlkin tədarük yaxın aylarda başlayacaq. Əvvəlcə biz 18 min butulka göndərməyi planlaşdırırıq. Daha sonra tədarük aylıq 200 min butulkayadək çatıdırılacaq".
Direktor əlavə edib ki, zavod, həmçinin Rusiyadan tədarük üçün sifarişlər alıb: "Biz yaxın aylarda Rusiyaya ixracı başlamaq niyyətindəyik. Paralel olaraq, biz Belarusdan olan tərəfdaşlarla danışıqlar aparırıq. İlin sonunadək bu bazara da ixrac nəzərdə tutulur".
Mənbə: az.trend.az