Bakı. Batma təhlükəsi ilə üzləşən 1 nəfər xilas olunub. Fövqəladə Hallar Nazirliyindən Trend-ə verilən məlumata görə, bu gün Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidməti tərəfindən Bilgəh sularda xilasetmə məntəqəsinin qeyri-çimərlik (nəzarətsiz) ərazisində çimərkən batma təhlükəsi ilə üzləşən 1 nəfər xarici ölkə vətəndaşı xilas olunub.​