Bakı. Samir Əli - Bakıda qadın itkin düşüb. Trend-in məlumatına görə, hadisə paytaxtın Səbail rayonu ərazisində baş verib. Bakı şəhər sakini, 1976-cı il təvəllüdlü Şevtsov İlya Vladimiroviç sentyabrın 1-də axşam saatlarında Səbail rayonu, Bayıl qəsəbəsi, Qurban Abbasov küçəsi 27 ünvanında idarə etdiyi "Honda" markalı avtomobili saxlayaraq zibil tullantısını atmaq üçün düşüb. O, zibili atıb qayıdarkən anasını - 1952-ci il təvəllüdlü Şevtsova Olqa İliniçananın avtomobildə olmadığını görüb. Qadın avtomobildən düşüb, naməlum istiqamətə gedib və bir daha geri qayıtmayıb.