Azərbaycanda yarasalarla bağlı araşdırmalara başlanıldı


Digərləri 03 Sen 2019 18:12:00 231 0

Azərbaycanda yarasalarla bağlı araşdırmalara başlanıldı

Azərbaycanda yayılmış yarasalarda zoonoz xəstəliklərin tədqiqi ilə bağlı araşdırmalara başlanılıb

Bakı. İlhamə İsabalayeva - Azərbaycanda yayılmış yarasalarda zoonoz xəstəliklərin tədqiqi ilə bağlı araşdırmalara başlanılıb. Trend-in məlumatına görə, 2019-cu ilin iyun ayında AMEA-nın Zoologiya İnstitutu və ABŞ-nın EcoHealth Alliance (EHA) təşkilatı arasında əməkdaşlıq haqqında müqavilə imzalanıb. Sənədə əsasən, bu ilin sentyabr ayında Azərbaycanda yayılmış yarasalarda zoonoz xəstəliklərin tədqiqi ilə bağlı çöl işlərinə başlanılıb. Layihə biologiya üzrə fəlsəfə doktoru, yarasalar üzrə ekspert Nicat Həsənovun koordinatorluğu və Zoologiya İnstitutunun Quru onurğalıları laboratoriyasının əməkdaşlarının bilavasitə iştirakı ilə həyata keçirilir. Azərbaycanda çöl işləri 2019-2021-ci illəri əhatə edəcək. Tədqiqatlar zamanı yarasalar ilə əlaqədar virusları müəyyənləşdirmək məqsədilə fərdlərin canlı olaraq tutulması, onlardan oral və rektal yaxmaların, həmçinin qanad biopsiyası (DNT nümunəsi) və qan nümunələrinin götürülməsi nəzərdə tutulur.