Bu deyim əsasən xalq içində yayılıb və ciddi dini əsası yoxdur. Guya duası tez müstəcab olan, qarğışı tez yerinə yetən, adına edilmiş nəzirlər tez qəbul olan seyidlərə "ağır seyid" və ya "nəcib seyid" deyirlər. Bu cür bölgünün dəqiq meyarı yoxdur. Əslində bütün seyidlər ehtirama layiqdirlər, bir şərtlə ki, öz cəddinin yoluna layiq olsunlar, Allahın halal-haramına riayət etsinlər, xalqla xeyirxah davransınlar. Bu cür seyidlərin hamısı nəcibdir və "ağır"dır. Sırf duasının qəbul olmasına görə seyidlərin arasında ayrı-seçkilik qoymaq düzgün deyil.