Bunun ən yaxşı yolu İslam əxlaqında çox təkid edilmiş əməl olan nəfsi hesaba çəkməkdir (əxlaq kitablarında buna "mühasibeyi-nəfs" deyirlər). Həzrət Mühəmməd Peyğəmbər (s) bu barədə buyurmuşdur: "Hesaba çəkilməzdən əvvəl özünüzü hesaba çəkin, (əməlləriniz) tərəzidə çəkilməzdən əvvəl özünüzü (yəni əməllərinizi) çəkin və böyük hesab gününə hazırlaşın" (Biharül-ənvar, 70-ci cild, səh. 73).

Mühasibeyi-nəfsin ən yaxşı üsulu budur ki, insan hər günün sonunda həmin gün ərzində etdiklərini bir-bir yadına salıb dəyərləndirsin, qazandığı savablara görə Allaha həmd etsin, etdiyi günahların tövbəsini yerinə yetirsin. İmam Musa Kazim (ə) buyurmuşdur: "Hər gün öz nəfsini sorğu-suala tutmayan adam bizdən (Əhli-beytin tərəfdarlarından) deyil. Əgər yaxşı iş görübsə, bunu (xeyir əməlin savabını) arırmağı Allahdan istəsin və Ona həmd etsin. Əgər pis iş tutubsa, Allahdan bağışlanmaq diləyib tövbə etsin" (Biharül-ənvar, 70-ci cild, səh. 72).

(adsgarden = window.adsgarden || []).push({});