Metronun qarşısında 23 yaşlı gənci qətlə yetirənlərə 20 il cəza verildi
Kriminal 27 Avq 2019 16:14:00 235 0
Bakı Ağır Cinayətlər Məhkəməsində qətl törətməkdə təqsirləndirilən Vəli Əliyev və onunla birgə saxlanılan Füzuli Nəcəfovun cinayət işi üzrə proses başa çatıb.
Son.az Trend-ə istinadən bildirir ki, hakim Mirzə Xankişiyevin sədrliyi ilə keçirilən prosesdə təqsirləndirilən şəxsə hökm oxunub.
Məhkəmənin hökmü ilə V.Əliyev 17 il, F.Nəcəfov isə 3 il azadlıqdan məhrum edilib.
İttihama görə, bu ilin yanvar ayında Bakıda, metronun "Nizami" stansiyasının yaxınlığında Saatlı rayon sakini, 1996-cı il təvəllüdlü Emin Şəmiyev bıçaqlanaraq öldürülüb.
Qətli törətməkdə şübhəli bilinən Şirvan şəhər sakinləri, əvvəllər dəfələrlə məhkum olunmuş 1994-cü il təvəllüdlü Vəli Əliyev və 1990-cı il təvəllüdlü Füzuli Nəcəfov Şirvan şəhəri ərazisində saxlanılıblar. Füzuli Nəcəfovdan narkotik vasitə olan heroin də aşkar edilərək götürülüb.
Mənbə: milli.az