Füzuli və Cəbrayıl rayonlarının işğalından 26 il ötür


Digərləri 23 Avq 2019 06:55:00 43 0

Füzuli və Cəbrayıl rayonlarının işğalından 26 il ötür

Bu gün Azərbaycanın Füzuli və Cəbrayıl rayonlarının Ermənistan silahlı qüvvələri tərəfindən işğal olunmasından 26 il ötür.

Son.az Trend-ə istinadən bildirir ki, 1993-cü il avqustun 23-də Füzulinin 51 kəndi və rayon mərkəzi ermənilər tərəfindən işğal olunub, 55 min nəfərə yaxın sakin doğma torpaqlarını tərk edib.

Füzuli rayonu Qarabağ dağ silsiləsinin cənub-şərq ətəklərindən Araz çayınadək sahəni əhatə edir, Cəbrayıl, Xocavənd, Ağcabədi, Beyləqan rayonları və Araz çayı boyunca İranla həmsərhəddir.

Rayonun ərazisi 1386 kv.km, əhalisi təxminən 105 min nəfərdir. Rayonun işğaldan azad olunmuş ərazisində 13 qəsəbə və 20 kənd var. Qəsəbələrdən 12-si işğaldan azad olunmuş ərazidə yeni salınıb və məcburi köçkün ailələri müvəqqəti olaraq burada yerləşdirilib. Hazırda ərazidə 51 min nəfər məcburi köçkün məskunlaşıb.

Füzuli rayonu 1988-ci ildən başlayaraq mütəmadi olaraq ermənilərin hücumuna məruz qalıb. İşğal nəticəsində 1100-dən çox füzulili şəhid olub, 113 nəfər girov götürülüb, 1450 nəfər müxtəlif dərəcəli əlil olub.

Azərbaycan Ekologiya və Təbii Sərvətlər Nazirliyinin "İşğal olunmuş Azərbaycan ərazilərində ətraf mühitə və təbii sərvətlərə dağıdıcı təsiri müəyyənləşdirən (izləyən) operativ mərkəz"i işğaldan sonrakı dövrlərdə Füzuli rayonu ərazisində təbii sərvətlərin ermənilər tərəfindən dağıdılmasına dair bir sıra faktlar aşkarlayıb. Geniş meşə massivləri ilə örtülü olan Dövlətyarlı kəndində ağaclar bütünlüklə qırılıb, Qoçəhmədli kənd yolu boyunca ağaclar kütləvi şəkildə məhv edilib, Yağlıvənd kəndində kəndarası yolun sağ və sol tərəfindəki böyük yaşıllıqlar tamamilə qırılıb, 2006-2009-cu illər ərzində rayonun 35 000 hektardan artıq ərazisi ermənilər tərəfindən yandırılıb.

Ərazisi 1050 kv.km olan Cəbrayıl rayonunun Ermənistan silahlı qüvvələri tərəfindən tutulması ilə 72 ümumtəhsil məktəbi, 8 xəstəxana, 5 məscid, 2 muzey, 129 tarixi abidə, 149 mədəniyyət ocağı işğal altında qalıb.

Cəbrayıldan olan 61 100 nəfər məcburi köçkün ölkənin 58 rayonunun 2000-dən artıq yaşayış məntəqəsində məskunlaşıb.

Qeyd edək ki, 2016-cı ilin aprel döyüşlərində Füzuli rayonunda geniş ərazini nəzarətdə saxlamaq imkanı verən strateji əhəmiyyətli Lələ Təpə yüksəkliyi Azərbaycan qüvvələrinin nəzarətinə keçdi. Lələ Təpənin ələ keçirilməsi ilə Cəbrayıl rayonunun Cocuq Mərcanlı kəndində tam təhlükəsiz həyat şəraiti təmin edildi. Bu gün Cocuq Mərcanlıda geniş tikinti-quruculuq işləri davam edir. Azərbaycan Prezidenti İlham Əliyevin Cəbrayıl rayonunun işğaldan azad edilmiş Cocuq Mərcanlı kəndinin bərpası ilə bağlı 24 yanvar 2017-ci il tarixli sərəncamına əsasən, kəndin ərazisi minalardan təmizlənərək, ilkin mərhələdə kənddə 50 fərdi yaşayış evi, məktəb binası və digər müvafiq infrastruktur inşa edilərək 14 iyun 2017-ci ildə istifadəyə verilib, məcburi köçkünlərin buraya köçürülməsi qısa müddətdə başa çatdrılıb.

Kənddə bərpa işlərinin ikinci mərhələsində dövlət başçısısının 15 iyun 2017-ci il tarixli sərəncamına uyğun olaraq, əlavə 100 yaşayış evi, uşaq bağçası, həkim məntəqəsi və digər zəruri obyektlər inşa edilib. Bu mərhələdə indiyədək Cocuq Mərcanlı kəndinə 50-dən çox ailənin köçürülməsi təmin edilib. Bunlar, əsasən, Bakı və Şirvan çəhərlərində, Oğuz, Sabirabad və Biləsuvar rayonlarında müvəqqəti məskunlaşmış məcburi köçkün ailələridir.

Kubada avtomobil dərəyə aşıb, ölənlər var like
  • 23 Avq 06:16  
Digərləri Kubada avtomobil dərəyə aşıb, ölənlər var

Kubanın Las-Tunas əyalətində minik avtomobili yolun kənarındakı maneəyə

arrow Ətraflı
Tramp Britaniya, Fransa, Yaponiya, Hindistan, Almaniya və Kanada liderləri ilə görüşəcək like
  • 23 Avq 05:18  
Digərləri Tramp Britaniya, Fransa, Yaponiya, Hindistan, Almaniya və Kanada liderləri ilə görüşəcək

ABŞ prezidenti Donald Tramp G7 sammiti çərçivəsində Böyük Britaniya, Fra

arrow Ətraflı
Makron Amazoniyadakı meşə yanğınlarını beynəlxalq böhran adlandırıb like
  • 23 Avq 04:21  
Digərləri Makron Amazoniyadakı meşə yanğınlarını beynəlxalq böhran adlandırıb

Amazoniyada 1,8 milyon hektar meşəni məhv edən yanğın beynəlxalq böhrand

arrow Ətraflı
Los-Ancelesdə atışma olub, yaralananlar var like
  • 23 Avq 03:19  
Digərləri Los-Ancelesdə atışma olub, yaralananlar var

ABŞ-ın Los-Anceles şəhərində (Kaliforniya ştatı) atışma baş verib

arrow Ətraflı
Namirə Səlim: "Oradan baxanda görürsən ki, bütün sərhədlər götürülüb" like
  • 23 Avq 02:30  
Digərləri Namirə Səlim: "Oradan baxanda görürsən ki, bütün sərhədlər götürülüb"

Uzun müddətdir NASA-da təlim keçən və kosmosa uçacaq ilk pakistanlı olac

arrow Ətraflı
Türkiyə İdlibdəki müşahidə məntəqələri möhkəmləndirir like
  • 23 Avq 02:23  
Digərləri Türkiyə İdlibdəki müşahidə məntəqələri möhkəmləndirir

Türkiyə Suriyanın şimal-qərbində yerləşən deeskalasiya zonasına əlav

arrow Ətraflı
UEFA Avropa Liqası: "Qarabağ" "Linfild"ə səfərdə məğlub olub like
  • 23 Avq 01:41  
Digərləri UEFA Avropa Liqası: "Qarabağ" "Linfild"ə səfərdə məğlub olub

Bu gün UEFA Avropa Liqasının "pley-of" mərhələsinin ilk oyunları keçiril

arrow Ətraflı
Malidə avtobus yük maşını ilə toqquşub, çox sayda ölən və yaralanan var like
  • 23 Avq 01:21  
Digərləri Malidə avtobus yük maşını ilə toqquşub, çox sayda ölən və yaralanan var

Malinin Sequ şəhəri yaxınlığında sərnişin avtobusu yük maşını ilə

arrow Ətraflı
Batma təhlükəsi ilə üzləşən 1 nəfər xilas olunub like
  • 23 Avq 00:39  
Digərləri Batma təhlükəsi ilə üzləşən 1 nəfər xilas olunub

Batma təhlükəsi ilə üzləşən 1 nəfər xilas olunub

arrow Ətraflı