Qadın ərinə yuxu dərmanı verib başqası ilə yatırmış


Kriminal 08 Avq 2019 18:35:00 309 0

Qadın ərinə yuxu dərmanı verib başqası ilə yatırmış

Bu günlərdə Beyləqan rayonunun Birinci Şahsevən kəndində baş vermiş faciənin təfərrüatı məlum olub.

Məlum olduğu kimi, iyulun 31-də sevgili cütlük - qadın aşpaz və kənd uşaq bağçasının gözətçisi intihar ediblər. Bundan başqa, aldadılmış ər arvadının xəyanət etdiyi ehtimal olunan başqa kişiyə bıçaq xəsarəti yetirib.

Xatırladaq ki, yerli sakin R.H. həyat yoldaşını başqa kişi - G.B. ilə tutub. Rüsvay olan qadın bundan sonra ata evinə qaçıb, lakin qohumları onun müdafiəsinə qalxmadığına görə intihar etmək qərarına gəlib. İki uşaq anası olan N.H. özünü asıb.

G.B. də Füzuli rayonunun Əhmədbəyli kəndi ərazisində özünü öldürüb.

Aldadılmış ər öyrənib ki, arvadı ona başqa kişi ilə - E.E. ilə də xəyanət edib. Kişi şübhəlini arvadı ilə sevgi əlaqələri saxlayarkən yaxalayıb və ona bir neçə bıçaq xəsarəti yetirib, o cümlədən qulağını kəsib. Sonra R.H. polisə könüllü təslim olub.  

Hələ 30 yaşı olmayan yaralı E.E. Mərkəzi Rayon Xəstəxanasına çatdırıldıqdan sonra əməliyyat olunub. Lakin həkimlər kəsilmiş qulağı bərpa edə bilməyiblər.

Son.az oxu.az-a istinadən bildirir ki, ilkin təhqiqat zamanı müəyyən edilib ki, qadın ərinin bərk yuxuya getməsi üçün onun yeməyinə yuxu dərmanı qatıb. Kişi yuxuya gedəndə isə N.H. kənd uşaq bağçasının gözətçisi G.B. ilə görüşə gedib.