Yalançı çəpgözlük nədir, hansı həkimə müraciət edilməlidir?


Digərləri 07 Avq 2019 20:23:00 1126 0

Yalançı çəpgözlük nədir, hansı həkimə müraciət edilməlidir?

Uşaqlarda çəpgözlük həm irsi ola bilər. Eyni zamanda çətin hamiləlik, doğuş olduğu hallarda da baş verə bilər. Bu xəstəliyin səbəbi uşağın sinir sistemi xəstəlikləri, uşaq infeksion xəstəlikləri, həmçinin travmalar ola bilər. 

Əksər hallarda uşaqlarda olan çəpgözlük onlarda olan digər göz xəstəliklərinin əlaməti kimi təzahür edir. Bəzi hallarda uşaqlarda çəpgözlüyün səbəbi göz əzələlərinin inkişaf qüsurları da ola bilir. Son.az medicina.az-a istinadən mövzu ilə bağlı məlumatı təqdim edir.

Uşaqlarda çəpgözlük zamanı bir və ya hər iki göz kənar tərəfə baxmış olur və ya sanki kənara tərəf "üzür". Bu hal əksər hallarda südəmər uşaqlarda qeyd edilərək, adətən, 6 aylığına yaxın keçib gedir. Bəzi hallarda valideynlər gözlərin bəzi özünəməxsus yerləşməsini və göz qapaqları arasındakı sahənin müəyyən formasını çəpgözlük kimi qəbul edirlər. Vaxt keçdikcə burunun forması dəyişir və yalançı çəpgözlük keçib gedir.

Uşağınızda çəpgözlük aşkar edən kimi, onu tez bir zamanda göz həkiminə göstərmək lazımdır. Diqqətsiz qalan bu çatışmazlıq sonradan görmə qabiliyyətinin kəskin şəkildə zəifləməsinə səbəb ola bilər.

Çəpgözlük hər hansı digər səbəbdən baş verdikdə isə əsas diqqət həmin səbəbin aradan qaldırılmasına yönəldilməlidir. Bəzi hallarda çəpgözlük uşağın sinir sistemindəki xəstəliklərin əlaməti də ola bilər. Buna görə də çəpgözlüyü olan uşaqları yalnız oftalmoloqa deyil, nevropatoloqa da göstərmək lazımdır. Çəpgözlüyün səbəbi nevroloji problem olarsa, həmin xəstəliyin müalicəsindən sonra çəpgözlük də keçib gedir.