Bakı. Yaponiyada ədliyyə naziri Takasi Yamasitanın əmri əsasında iki cinayətkar asılıb. Trend-in "TASS"a istinadən verdiyi məlumata görə, bu barədə Yaponiyanın İctimai Televiziyası xəbər verib. Asılan şəxslərin kimliyi və digər təfərrüatlar barədə məlumat verilmir. Qeyd edək ki, hazırki baş nazir Şinzo Abenin vəzifədə olduğu müddətdə 38 nəfər edam edilib. Ötən ilk Yaponiyada "Aum Sinrikö" ekstremist qruplaşmasının 13 üzvü və rəhbəri edam edilib.