Hazırda ən çox istehlak olunan tərəvəzdir, insanlarımız hər gün kartof yeyir. Amma elə xəstələr var ki, onlara nəinki hər gün, heç ayda 5 dəfə də kartof yemək olmaz.

Son.az medicina.az-a istinadən kartofun kimlərə zərərli olması barədə məlumatı təqdim  edir.

1.Diabet xəstələri

Harvard alimləri bildirir ki, şəkərli diabet xəstələrinin hər gün kartof yeməsi qanda şəkəri artırır, metobolizmi ağırlaşdırır, əlavə fəsadlar yaradır. Eləcə də hələ diabet olmayan şəxslər gündəlik rasionda çox kartof yeyərsə, gələcəkdə II tip Diabet olma riski yüksəlir. Xüsusən kartof fri diabeti aktivləşdirir.

2.Hipertoniya

Tədqiqatlar sübut edib ki, həftədə 5 pay qızardılmış kartof yeyənlərdə həmin həftə təzyiq yüksəlməsi 12% artır. Kartof fri yedikdə isə bu risk 18%-ə qalxır. Ona görə yüksək təzyiqdən əziyyət çəkənlər kartoflu yeməklərdən çəkinməli, həftədə 1-2 dəfə ilə kifayətlənməli, onlar yalnız közdə bişmiş 1-2 ədəd kartof yeyə bilərlər.

3.Oynaq iltihabı- artroz, revmatizması olanlar

Oynaqlarında iltihab olan xəstələr bildirir ki, badımcan, kartof, pomidor yedikdən sonra ağrıları artır.  Buna səbəb kartofda olan alkoloid tropandır ki, oynaqlar bu maddəyə həssasdır. Artrit üzrə professor Norman bildirir ki, oynaqlarında həssaslıq olan insanlar əgər 10 il müddətində çox miqdar kartof yeyərsə, 10 il sonra artrit xəstəsi olur.