Bakı. Avrokuboklarda ölkəmizi təmsil edən “Qarabağ” futbol klubunun III təsnifat mərhələsindəki potensial rəqibləri müəyyənləşib. Trend-in məlumatına görə, bunlar Kiprin “APOEL” və Slovakiyanın “Slovan” (Bratislava) klublarıdır. “APOEL” UEFA Çempionlar Liqasının II təsnifat mərhələsində Monteneqronun “Sutyeska” klubunu mübarizədən kənarlaşdırıb. “Qarabağ” iyulun 31-də İrlandiyanın “Dundalk” klubu üzərində qələbə qazanacağı təqdirdə, məhz “APOEL”lə qarşılaşacaq. Azərbaycan təmsilçisi Çempionlar Liqasında mübarizəni dayandırsa, bu zaman UEFA Avropa Liqasının III təsnifat mərhələsində “Slovan”la qarşılaşacaq.