Naxçıvan FHN Belarusdakı kursantlara təqaüd ödənilməməsi ilə bağlı məlumatlara aydınlıq gətirdi


Digərləri 26 İyl 2019 17:13:00 238 0

Naxçıvan FHN Belarusdakı kursantlara təqaüd ödənilməməsi ilə bağlı məlumatlara aydınlıq gətirdi

Belarusa göndərilən kursantlara dövlət tərəfindən ayrılmış təqaüdün Naxçıvan Muxtar Respublikası Fövqəladə Hallar Nazirliyi tərəfindən tam ödənilməməsi ilə bağlı əsassız və həqiqəti əks etdirməyən informasiyalar yayılır.

Bakı. Son günlər bəzi informasiya saytlarında Belarus Respublikasının Fövqəladə Hallar Nazirliyinin Mühəndislik-Komanda İnstitutuna təhsil almağa göndərilən kursantlara dövlət tərəfindən ayrılmış təqaüdün Naxçıvan Muxtar Respublikası Fövqəladə Hallar Nazirliyi tərəfindən tam ödənilməməsi ilə bağlı əsassız və həqiqəti əks etdirməyən informasiyalar yayılır. Bu barədə Naxçıvan Muxtar Respublikası Fövqəladə Hallar Nazirliyinin Mətbuat xidmətindən Trend-ə bildirilib. Məlumatda qeyd edilir ki, Belarusun Fövqəladə Hallar Nazirliyinin Mühəndislik-Komanda İnstitutunda təhsil alan kursantlar Naxçıvan Muxtar Respublikası Fövqəladə Hallar Nazirliyi tərəfindən seçilmir və onlara təqaüdü nazirlik ödəmir. Bütün bu məsələlər 2006-cı il oktyabrın 17-də Azərbaycan Respublikası Fövqəladə Hallar Nazirliyi ilə Belarusun Fövqəladə Hallar Nazirliyi arasında imzalanmış əməkdaşlıq haqqında sazişlə tənzimlənir. Həmin sazişə əsasən Belarusun Fövqəladə Hallar Nazirliyinin Mühəndislik-Komanda İnstitutuna təhsil almağa göndərilən kursantlar Dövlət İmtahan Mərkəzinin I qrup üzrə keçirdiyi qəbul imtahanların nəticələrinə əsasən müəyyənləşdirilir. Belə ki, imtahanlarda müvafiq keçid balını toplayan abituriyentlər arasında seçim aparılır. Nəticədə Azərbaycan Respublikası Fövqəladə Hallar Nazirliyinin Akademiyasına daha yüksək balla qəbul olan gənclər Belarus Respublikasının Fövqəladə Hallar Nazirliyinin Mühəndislik-Komanda İnstitutunda təhsil almağa göndərilirlər. Təhsil aldıqları dövrdə həmin gənclərə Azərbaycan Respublikası Fövqəladə Hallar Nazirliyi tərəfindən aylıq təqaüd ödənilir