İşlənmiş şəkərin ziyanları barədə çoxlarımız məlumatlıyıq. Amma buna baxmayaraq, gündəlik qidalanmada şəkər, işlənmiş şəkərlə zəngin olan məhsullardan geniş istifadə olunur. Mütəxəssislərsə hər zaman işlənmiş şəkər yerinə təbii qidalardan istifadənin zəruriliyini vurğulayırlar. Yeməklərə, şirniyyatlara şəkərin dadını verən bir çox təbii qidalar var. Bəs onlar hansılardır? Son.az medicina.az-a istinadən sıyahını təqdim edir.

1. Bal Yeməklərimizdə ən çox istifadə olunan bu məhsul təbii şəkərlərlə zəngindir. Bal həm də tərkibində vitamin və mineralların çoxluğu baxımından olduqca əhəmiyyətlidir.

2. Banan Tam yetişmiş bananlar daha çox şəkər ehtiva edir. Tam yetişməmiş bananları isə sobada qəhvəyi rəng alana qədər isitdikdən sonra şirniyyatlarınıza əlavə edə bilərsiniz.

3. Duz Əslində, şəkər əvəzinə duz istifadə etmək bir qədər təəccüblü görünür. Lakin duzun tərkibindəki maddələr qidanın içində olan təbii şəkəri ortaya çıxarmaq özəlliyinə malikdir.

4. Şirin ədviyyatlar Darçın, hil, razyana kimi ədviyyatları şəkər əvəzinə istifadə edə bilərsiniz.

5. Vanil Təbii şəkərlərlə zəngin olan vanili toz halında və ya toxumları ilə birlikdə şirniyyatlara əlavə edə bilərsiniz. Dad verməklə yanaşı, yaydığı xoş ətir sizə zövq verəcək.

6. Kök Əgər şirniyyatlarınıza şəkərə alternativ olaraq kök əlavə edəcəksinizsə, onların bişirildikdən sonra daha şirin olduqlarını unutmayın.