Bakı. “British Airways” aviaşirkəti Qahirəyə uçuşları müvəqqəti dayandırmağa qərar verib. Trend-in məlumatına görə, bu qərar ehtiyat tədbiri xarakteri daşıyır və təhlükəsizlik sahəsində vəziyyətin qiymətləndirilməsi ilə əlaqədardır. “Biz bütün dünyadakı hava limanlarımızda təhlükəsizlik tədbirlərini daim gözdən keçiririk. Bu səbəbdən də qiymətləndirmə aparmaq məqsədi ilə təhlükəsizlik tədbirləri qismində yeddi gün müddətinə Qahirəyə uçuşları dayandırırıq”, - deyə “British Airways”in bəyanatında bildirilir.