Nadir tapılan Ferrari 8 milyon dollara satıla bilər FOTO


Digərləri 18 İyl 2019 22:01:00 233 0

Nadir tapılan Ferrari 8 milyon dollara satıla bilər  FOTO

Gooding&Company şirkəti birinci seriyadan olan Ferrari 250 GT kabrioletini satışa çıxarıb. 1958-ci ildə buraxılmış avtomobil Pininfarina atelyesi tərəfindən təkmilləşdirilmiş dörd avtomobildən biridir. Hərracın təsisçilərinin fikrincə, kabrioletin son qiyməti 8 milyon dollar təşkil edəcəkdir.

Son.az autograph.az-a istinadən bildirir ki, bu kabriolet italyan markasının nadir tapılan modellərindən biridir. Ferrari cəmi 40 ədəd 250 GT Series I kabrioletini buraxıb, lakin onlardan dördü Pininfarina tərəfindən təkmilləşdirilib. Şüşə ilə örtülmüş fənərlərə, yeni hava girişlərinə və bamperlərə sahib olmuş dörd kabrioletdən biri hazırda satışa çıxarılıb.

Bu kabrioletin ilk sahibi Ferrari şirkətinin VIP-müştərilərindən olan şahzadə Alessandro Ruspoli olub. Ferrari şahzadə üşün qara parlaq rəngə boyanmış və çoxsaylı xrom detalları, həmçinin yaşıl dəri ilə üzlənmiş oturacaqları olan kabrioleti hazırlayıb. Eyni rəngə ayaqaltılar və qapı panelləri də malik olublar. Salonun rəngi qeyr-adi görünsə də, bu kabrioletə eksklyuzivlik bəxş edib.

1970-ci ilin əvvəlində Ruspoli avtomobili satıb və kabriolet bir neçə Ferrari azarkeşinin əlində olub. Sonunda kabriolet Amerikaya göndərilib və onun yeni sahibi avtomobili tam şəkildə bərpa edib. Ferrari 250 GT 1994-cü ildə bir neçə zəriflik müsabiqəsində mükafatlara layiq görülüb. 1996-cı ildə isə o, FCA Vintage Concours klassik avtomobillər müsabiqəsinin qalibi olub.


Xəbərə aid fotolar