EYOF-da çıxış edəcək güləş yığmalarımızın heyəti açıqlanıb (FOTO)


Digərləri 18 İyl 2019 18:15:19 253 0

EYOF-da çıxış edəcək güləş yığmalarımızın heyəti açıqlanıb (FOTO)

İyulun 21-də Bakıda start götürəcək Avropa Gənclərinin Yay Olimpiya Festivalının (EYOF) proqramında güləş də yer alıb.

Bakı. İyulun 21-də Bakıda start götürəcək Avropa Gənclərinin Yay Olimpiya Festivalının (EYOF) proqramında güləş də yer alıb. EYOF çərçivəsində güləş yarışları iyulun 21-dən 23-dək Heydər Əliyev adına İdman-Konsert Kompleksində keçiriləcək. Festivalda güləşin 3 növü üzrə yeniyetmələrdən ibarət yığmalarımız mübarizə aparacaq. Həm sərbəst, həm yunan-Roma, həm də qadın güləşi üzrə yarışlar 6 çəki üzrə keçiriləcək. Trend-in məlumatına görə, bu gün Azərbaycan Güləş Federasiyasının prezident əvəzi Namiq Əliyev EYOF-da iştirak edəcək komandalarla görüşüb, onlardan uğurlu nəticə gözlədiyini dilə gətirib və hər hansı problemlərinin olub-olmamasıyla maraqlanıb. Sonda onlara uğurlar arzulayan qurumun rəhbəri heyəti açıqlayıb. Sərbəst güləşçilərimiz böyük məşqçi Əsgərxan Novruzov və məşqçi Yaşar Əliyevin rəhbərliyi altında çıxış edəcək. Heyətdə Murad Haqverdiyev (45 kq), Mircavad Nəbiyev (48 kq), Kənan Heybətov (51 kq), Əbülfəz Nəsirov (55 kq), Sabir Cəfərov (60 kq) və Cəbrayıl Hacıyev (65 kq) yer alıb. Böyük məşqçi Taleh İsrafilov və məşqçi Rasim Ağayevin rəhbərliyi altında mübarizə aparacaq yunan-Roma güləşi üzrə millimizin tərkibinə Fərid Sadıxlı (45 kq), Qurban Qurbanov (48 kq), Elmir Əliyev (51 kq), Nihat Məmmədli (55 kq), Həsrət Cəfərov (60 kq) və Xasay Həsənli (65 kq) daxil edilib.